فنانين وممثلين لبنانيين موهوبين ومشهورين حبيناهن وحبينا أعمالن غادروا عبكير وفجأة وبعمر زغير، لكل واحد قصة، خلونا نتذكرن سوا.
١. الممثل حسن علاء الدين المعروف ب”شوشو”: شوشو الشرير المهضوم اللي كان يخطف القلوب بأدوارو، مات بسكتة قلبية بعمر 36 سنة.
٢. الممثلة هند أبي اللمع: سيدة الشاشة الكبيرة، توفت بعمر 46 سنة بسبب سكتة قلبية بس بتضل رغم مرور السنوات ملكة التمثيل بنظراتها وصوتها وحضورها الكبير.
٣. الفنانة سلوى القطريب: صاحبة الصوت الدافي والمليان حنية رحلت بعمر 55 سنة وتركت وراها إرث فني كبير، خسرناها بسبب جلطة بالدماغ. خسارة كبيرة للفن اللبناني!
٤. الممثل عصام بريدي: مبدع وموهوب، خسرنا بحادث سير بعمر 35 سنة. ما في كلمة بتوصف خسارة فنان بهالعمر.
٥. الفنانة سوزان تميم: نجمة لبنانية ساطعة، تركتنا بجريمة قتل وبغموض عن عمر 31 سنة.
٦. الفنان رامي الشمالي: رامي من أجمل أصوات ستار أكاديمي، كانت الحياة كلا قدامو، بس للأسف حادث سير مروع بمصر سرقلوا حلمو وسرقوا منا وهوي بعمر 23 سنة بس.
٧. الراقصة ناريمان عبود: راقصة موهوبة وإم حنونة، من الناس يلي خسرناهن بسبب فيروس كورونا بعمر 57 سنة.
٨. الفنان جورج الراسي: صاحب غنية “إنت الحب” الشهيرة، خسرنا بحادث سير مروع على طريق المؤدية للحدود اللبنانية السورية و هوي ابن 39 سنة.
٩. الفنانة فريال كريم: توفت الفنانة المتعددة المواهب فريال كريم سنة 1988 على خشبة المسرح بعد ما وقف قلبها فجأة.
شوفوا كمان، أول مطبعة بالعالم العربي طلعت من لبنان.