٧ محلات تغطسوا حالكن فيهن بالشوكولا بعيد الحب!

عيد الحب لكتار قعدة رومانسية بمطعم مع شموع وورود وأضوية خافتة بس كتار بالنسبة لإلن الحب هوي الأكل ومش حيلا أكل، شي حلو وأكيد بس نقول حلو يعني شوكولا. ولأن الشوكولا بضل رمز الحب، اليوم رح ناخدكن على ٧ محلات فيكن تغطسوا فيهن بعالم الشوكولا مع حبيبكن.

١. Shanshal Chocolate

عندن هالمحل رح تتشاركوا قطع الشوكولا على شكل قلوب، مليانين شوكولا بطعمات مختلفة متل الوايفر والبندق واللوتس مع التشيز كايك وغيرن كتير. غير هيك، عندن اختراعات مهضومة لعيد الحب بالشوكولا مع جمل رومانسية، يعني نصيحة مسكوا إيد حبيبكن أو حبيبتكن وروحوا لعندن بعيد الحب وعيشوا تجربة الشوكولا المميزة.

الفروع: فردان، الزلقا
الرقم: 002 220 71

٢. Remiel Chocolaterie

عاملين قصص كتير مهضومة لعشاق الشوكولا: علب شوكولا مع ورود وكلمات حب، كل قطعة بتدوب بالتم وبتمنحكن شعور روعة.

الزلقا: 710 902 01

غزير: 386 853 09

٣. Dip n Dip، كل الفروع

هالمحل معروف بكل أصناف الكريب لي بيعملها مع الشوكولا الدايب وكل الإختراعات المميزة بالشوكولا، بس على عيد الحب في نوع شوكولا كتير مهضوم لازم تتقاسموا: برج الشوكولا!

الرقم: 102 661 81

٤. Elsa Chocolatier، مار الياس

هالمحل عطول بيتفنن بالشوكولا وبحضر شوكولا لكل المناسبات وهلق بمناسبة فالنتاين محضر تشكيلة روعة رح تخلي حبيبكن ينغرم فيكن من أول وجديد.

الرقم: 425 111 71

٥. بسام غراوي، كفرشيما وبرج أبي حيدر

بتجوا على معدة فاضية وبتجربوا مختلف أنواع الشوكولا الموجودين بالمحل، بيعملوا حبات شوكولا مع حشوات مختلفة رح تنغرموا فيها وتحتاروا شو تنقوا.

الرقم: 004 433 76

٦. Poème Chocolate

إذا كنتوا من عشاق الشوكولا كتير، بهالمحل رح تلاقوا كل أنواع الشوكولا لي بتحبوها والإختراع لي لازم تجربوا: السوشي على شوكولا مع صوص شوكولا دايبة ع جنب! فيكن كمان تشتروا هدية لعيد الحب مليانة شوكولا وأكيد ملفولة بطريقة كتير مهضومة وجذابة.

الفروع: الشوفيات، الحمرا، لو مال ضبيه، سيتي سنتر حازمية
الرقم: 599 109 71

٧. لو نوار Le Noir

أول ما تفوتوا، رح تشموا ريحة الشوكولا السخن لي بتفتحلكن نفسكن وتطلبوا كل شي شوكولا بيخطر على بالكن سخن أو مصقع، مقرمش أو دايب.

الفروع: برمانا، النقاش
الرقم: 835 354 81

شوفوا كمان، ١٦ من أفضل عروضات الفالنتاين بلبنان!