٩ مطاعم لتجربوا بوفيه مع العيلة بالويك-اند

كتار منا بيحبوا يضهروا بالويك-اند مع العيلة ويستمتعوا بأكل طيب ع بوفيه غير شكل! لتنبسطوا مع أحبابكن بالعطلة، لقينالكن ٩ مطاعم بتعمل بوفيه مميز بالعطلة.

1. Carma Catering – ضبية

مطعم كارما وبس بفرعو بضبية بيعمل بوفيات نهار الأحد من صاج، وبيتزا، وباستا، وبرغر، وحتى سوشي، عدا انو التحلاية عندو غير شكل وقعدتو كتير لزيزة.

الرقم: 889 500 03

2. Beit El Qamar، دير القمر

إذا عبالكن بوفيه و غدا مع العيلة بقلب بيت الضيعة، بيت القمر مكان مميز لتجربوا بهالعطلة. بيعملوا بوفيهات من أكلات جبلية وطبخات دسمة، وع إيدين محترفين محليين بالطبخ اللبناني والأكل التقليدي!

الرقم: 411 661 03

3. Hotel Al Bustan، بيت مري

مقصد حلو نهار الأحد لتستمتعوا بغدا بوفيه محرز وتقضوا وقت مميز مع عيلتكن!

الرقم: 000 752 03 – 400 870 04

4. CouCou Bistro Bar، كفرحباب

مطعم للأكل الفرنسي بجو عائلي مميز بضيعة كفرحباب. بيعملوا بوفيهات من أطباق عالمية شهية ومتنوعة، وحتى عندن ملعب للولاد!

الرقم: 255 744 71

5. Le Bistro de Papaya، الحازمية

باستا شهية، بيتزا ع أنواعها، سلطات عالمية، مازة لبنانية إستثنائية، ومختلف المأكولات الطيبة ناطرتكن ع غدا بوفيه بهالمطعم المميز كل نهار أحد!

الرقم: 115 551 03 – 373 833 03

6. Casper And Gambinis – ضبية

أطيب الأطباق العالمية، السلطات الغنية، المعجنات والبيتزا، وشو ما بيخطر عبالكن ناطركن عند هالمطعم بفرع ضبية، بيعملوا بوفيه ع الترويقة والبرانش كل نهار سبت وأحد. 

الرقم: 474 407 03

7. Batchig – سيتي سنتر، زيتونة باي

إذا عبالكن تجربوا بوفيه من أشهى الأكلات الأرمنية المعمولة بطريقة إستثنائية، مع حلويات ومعجنات وأطباق لحوم باردة مع مختلف أنواع الجبنة، لازم تميلوا ع Batchig، مطعم معروف انو واحد من أطيب المطاعم الأرمنية بلبنان.

الرقم: 307 444 70

8. Nî Caffè – الأشرفية، فردان، بترون، فقرا

فيكن تستمتعوا ببوفيه مميز من أطيب الأطباق الإيطالية واليابانية اللي مقدمة بكل إحترافية عند هالمطعم المميز!

الرقم: 330 812 01

9. المندلون – الأشرفية، ضبية

بتلاقوا عند المندلون بوفيهات من سلطات عالمية، مأكولات بحرية، سوشي، مخبوزات، وكمان أطباق لبنانية!

الرقم: 700 321 01 – 411 545 04

شوفوا كمان، هيك صارت أسعار الفراريج عند أشهر المحلات بلبنان!