٣ بيوت ضيافة وأوتيلات بضيعة بسكنتا

ما بتكمل الشتوية من دون نومة بالجبل بين التلجات حد النار مع أجواء لطيفة لتستأنسوا بهالطقس البارد وإذا حبيتوا بتطلعوا تتمشوا على التلج أو بتعملوا سكي لأن البيستات قريبة. خلينا نعرفكن اليوم على ٣ بيوت ضيافة وأوتيلات بضيعة بسكنتا.

١. ذا بيفيو The Bevview، بسكنتا

هالبيت قاعد بالجبل وبطل على أجمل منظر ممكن تفيقوا علي. بتلاقو مخبى بين شوارع الضيعة، كوخ خشب مكنكن ومهضوم مع فيو على جبل صنين. بتناموا مدفايين منيح وبتفيقوا بتعملوا صبحية بالجبل مع فيو على التلج وحتى منظر المغيب رح يريحكن وخرج سردة على فنجان قهوة والترويقة الصبح مع هالمنظر بتروق الأعصاب.

الرقم: 976 623 03

٢. درب بسكنتا

هالمحل بيجمع كل شي منحبوا بمحل واحد. يعني الأكل الطيب، التلجات، المنظر الحلو ونومة مريحة. بيت حجر مهضوم مع قعدة مكنكنة وفيو ساحر على جبل صنين والوديان، القعدة بالليل تحت النجوم كتير ساحرة، والنومة هنية ودافية بتنسيكن كل المشاكل والهموم.

الرقم: 500 950 71

٣. أوتيل سنولاند Snowland Hotel

أوتيل مغطى بالتلج وقريب على البيستات، هالمحل متل الحلم مع منظر ساحر على التلج الأبيض وجو ريفي ورومانسي وأكل الطيب. بتجوا مع حبيبكن و مع العيلة وبتقضوا ليلة شتوية من العمر.

الرقم: 300 345 03

شوفوا كمان، ٥ بيوت ضيافة وأوتيلات بين التلوج بفقرا!