لقينالكن ٧ من أطيب مطاعم جونية

مشوارنا اليوم ع جونية عروسة الساحل، مشهورة بمناظرها الأيقونية للبحر والجبل، وكمان بأسواقها القديمة المليانة حياة. مشوا معنا نتعرف ع ٧ من أطيب مطاعم جونية!

1. مطعم سكون

هالمطعم بيقدملكن قعدة دافية ع البحر، وبيقدم كل المأكولات العالمية الشهية. عندو جو حلو إذا عبالكن تسهروا مع أصحابكن بمنطقة جونية.

الرقم: 833 118 03

2. بسطرمة أوهانس

لكل محبي النكهات الأرمنية، مطعم أوهانس بيقدملكن أطيب سندويشات البسطرمة الحرّة، عدا عن سناكات وسندويشات تانية مع الكفتة والكباب. بتلاقوا المحل بالسوق!  

الرقم: 555 562 70

3. La Creperie

مطعم La Crêperie لمحبي العشوات الرومانسية، القعدات الدافية، الديكور الفرنسي، والجو الكلاسيكي! عدا عن المنظر المميز اللي عندو ع البحر، عندو قعدة شتوية بقلب جونية بتاخد العقل. وكمان مطعم La Crêperie بيقدم جميع المأكولات الفرنسية والأطباق اللبنانية التقليدية. 

الرقم: 022 202 71

4. Chez Zakhia

بتحبوا تاكلوا السمك طازة ع الطريقة اللبنانية؟ مطعم شي زخيا جار البحر بجونية وعندو قعدة كتير حلوة بالشتوية. بتلاقوا السمك ع أنواعو، السمك المقلي، والمشوي، والبزري مقدم مع مازة بحرية ومازة لبنانية وأطيب كاس عرق. 

الرقم: 222 846 03 – 004 911 09 

5. أبو العز

شاورما أبو العز من أطيب سناكات شاورما وكتير تفنن بالطعمة، عندو شاورما دجاج مع توم أكلة، أو شاورما مغرّقة بدبس الرمان. وحتى مقرمشات من الدجاج و البطاطا المقلية، والفروج المشوي. 

الرقم: 161 117 81 – 171 116 81

6. مطعم الباشاوات 

مطعم الباشاوات بيقدم معجنات طازة، مناقيش ع أنواعها، البيتزا بكل النكهات اللي بتحبوها ومن عندو بتطلع بيتزا البيبروني غير شكل!

الرقم: 783 723 81

7. قهوة سنفريان

قهوة سنفريان المحبوبة من أحلى القهاوي ع الساحل وعندن فيو بتاخد العقل لخليج جونية. مش بس بيقدموا أطيب الأكلات لبنانية تقليدية، كمان عندن سهريات عود وجو حلو للزمن الجميل. 

الرقم: 055 755 81

أي رح تختاروا من مطاعم جونية؟

شوفوا كمان،مطاعم رومانسية ودافية تجربوها بجبيل هالشتوية