قهوة ومعرض سيارات: تجربة جديدة لأول مرة بلبنان!

زهقتوا من الكافيهات العادية يلي بتقعدوا فيها وبتشربوا قهوة وبس؟ بدكن شي جديد؟ لأول مرة بلبنان صار في concept جديد بمنطقة أميون بالكورة: قهوة ومعرض سيارات بنفس الوقت… كلاتش آند كارب Clutch N’ Carb. بتجوا وبتشربوا فنجان قهوة سخنة وبتتفرجوا على السيارات الحلوة! يعني بتتفرجوا على سيارات اللامبورغيني والبورش وبتشربوا لاتيه بنفس الوقت!

تخيالوا حالكن عم تتمشوا بمعرض سيارات مع ريحة قهوة بتشق القلب ومنظر الحلويات الطازة قدامكن. عندن سيارات كلاسيكية كتير حلوة، متل الأفلام القديمة وحتى عندن موديلات موديرن وكل شي ممكن تحملوا في موجود.

تخايلوا حالكن عم تسوقوا هيك موديلات أو حتى تتصوروا حدا؟

مش بس هيك! كمان في كتير من نوادي السيارات بيلتقوا هون، يعني فرصة تتعرفوا فيها على كتير ناس بحبوا السيارت متلكن. تخايلوا تلتقوا بحدا يخبركن عن الموستنغ اللي بيحلم فيها من هوي وزغير وترجعوا تاكلوا كيك سوا ويمكن تطلعوا تنيناتكن بتحبوا نفس السيارة!

مش حيلا سيارات! كلاتش آند كارب عندن سيارات خاصة وفريدة، يعني موديلات كلاسيكية و جديدة ورياضية بتحمل تاريخ ومشاعر كتيرة. بس بدكن حدا يعشق هيك سيارت ويعرف يقدر قيمتها .

وأكتر من هيك عندن كلب كتير مهضوم، إسمو وول إي عامل حالو مدير المعرض! شفتو المدير؟ قدي مهضوم؟

ضروري تزوروا هالكافيه لتعيشوا تجربة جديدة وجيبوا معكن صاحبكن يلي بحب السيارات. روحوا تصفحوا كمان، موقعن الإلكتروني لي بتلاقوا فيه كتير صور حلوة مع أسعار لكل سيارة.

شوفوا كمان، بعد الجدل الكبير مع دكتور فود، كاتريكسا نزلت بسكويت جديد.