٤ مطاعم يونانية لازم تجربوها بلبنان!

عبالكن سفرة على اليونان من دون ما تسافروا؟ ما في أحلى من قعدة دافية بمطعم يوناني مع جو حلو بياخد العقل وأكل طيب كتير. خلونا ندلكن اليوم على ٤ مطاعم بتاخدكن على اليونان حول لبنان.

١. ياماس، أنطلياس

مطعم يوناني بيتميز بالمأكولات اليونانية اللذيذة وبمناظر البحر الحلوة. الضهرة عندو على مستوى عالي والأكل لا يعلى عليه، بقدم أطيب الأطباق لي بتحول قعدتكن لرحلة رومانسية متل السمك المشوي مع بطاطا، السلطات اليونانية، الدجاج الطازة، الكفتادس وأكيد مع الحلو اليوناني والمشروبات الباردة والدافية حسب ما عبالكن. حتى ديكور المطعم رح ياخدكن على أتينا من ورا الورود ولون الأزرق والأبيض وتماثيل الآلهة اليونانية الحاضرة، غير هيك الموسيقى يونانية وبيعملوا عروض رقص يوناني مع تجربة تكسير الصحون لكل مين عبالوا يعيش التراث اليوناني.

الرقم: 352 030 03

٢. غريكو، جبيل

مطعم يوناني بيتميز بقعدة رومانسية على البحر دغري بالصيفية بين طاولات البيض وأمواج البحر، وبالشتوية عندو قعدة تافيرنا مكنكنة مع الديكورات اليونانية لي بتاخدكن على شوارع أتينا من قلب جبيل. بقدم مختلف الأطباق اليونانية والحلو والسلطات المميزة والأطباق البحرية والبيتزا. غير هيك، ضروري تجربوا عندو تشكيلة النبيد والكوكتيلات اليونانية لأن طعمتها روعة ومش قوية كتير مناسبة لدردشة حلوة مع الحبيب والأصحاب.

هالمحل رح يفتح بس يصير الطقس ربيعي

الرقم: 605 330 76

٣. ميديتيرانيو، البترون، برمانا، زيتونة باي

جايبلكن نكهات البحر المتوسط كلو وأكيد بقدم أطباق يونانية تقليدية مع لمسة عصرية. يتتميز بتصميم داخلي أنيق بيطغي علي لون الأبيض والأزرق مع طاولات خشب وورود مندندلة بتحسوا حالكن كأنة ب ميكونوس، وديكور مميز، وخدمة ممتازة. في عندو أكل لبناني، يوناني، إسباني، وإيطالي، كل شي بجنن! من طبق الحمص مع الفريكة اللبناني المميز للسلطة اليونانية، من الباييلا الإسبانية للبيتزا الإيطالية – هني رح ياخدوكن بجولة على كل أصناف البحر المتوسط. أشهر أطباقه اليونانية، الدجاج سوفلاكي، السباناكوبيتا، التاتزيكي، ومجموعة متنوعة من الحلويات والمشروبات.

بترون: 208 118 03
زيتونة باي: 295 200 03
برمانا: 718 969 70

٤. الناي، زحلة

مطعم يوناني قاعد بزحلة، بيقدم أطباق يونانية تقليدية مع لمسة لبنانية. بيتميز بجوو اليوناني وديكورو الريفي لي بيطغي علي الأبيض والأزرق، وخدمتو الودودة. من أشهر أطباقو، الكوتوبولوس، الخبز اليوناني مع التاتزيكي، البيفتاك اليوناني، ومجموعة متنوعة من السلطات. غير هيك، عم بقدم صحون يومية وبعض الطبخات والميزات اللبنانية كمان.

الرقم: 975 599 03

شوفوا كمان، ٦ مطاعم صينية لازم تجربوها بلبنان!