إشتقتوا ل Pinkberry؟ لقينالكن ٤ مطارح لتدوقوا Frozen Yogurt بلبنان

قبل كم يوم نشرنا فيديو ع الإنستغرام بيسترجع ذكرياتنا بواحد من أطيب محلات ال Frozen Yogurt بلبنان! محل Pinkberry، اللي صرلو فترة مسكر وللأسف بالرغم من انو كتير محلات عم ترجع تفتح بلبنان، هالمحل ما عاد فتح! لكل الناس المشتاقة لطعمة ال Frozen Yogurt اللي كان يعملها هالمحل، لقينالكن 4 محلات بديلة عنو وبنفس الطعمة، هيدا إذا مش ألذ.

1. The Happy Spoon – راس بيروت، بوابة ال LAU

السعادة بتجي بشكل ملاعق يوغرت متلج بـHappy Spoon! هالمكان الملون والمفرفش بيقدم أطيب frozen yogurt الفرش، وفي تشكيلة كبيرة من النكهات والإضافات لتختاروا منها وكمان كبيات من الماري كريم. بالصيف، بتلاقيهم مفتوحين بـ Sporting Club Beach، وبتقدروا تلاقوهن كمان عند بوابة LAU اللي تحت.

2. Stories Coffee، كافة الفروع

تحول هالكافيه المحلي بالنسبة لكتار من الناس لبديل عن ستاربكس وبأقل كلفة. عدا عن القهوة والمعجنات الشهية، يعتبر Stories متخصص بصنع Frozen Yogurt الطيب، عشان تقدروا تسترجعوا كل الذكريات الحلوة مع Pinkberry، وبأطيب طريقة. 

3. Heaven Froyo، الضاحية

هيفن فرويو رح بحسسّكن بسعادة الطفولة خصوصي مع ديكورو المهضوم. جربوا عندو Frozen Yogurt غني بالطعمة وألذ الإضافات، وكمان إذا بتحبو شاي البوبلز بتقدروا تجربوا عندن.

4. حلوة يا دنيا، صنايع

محل عندو كعك وقهوة وكمان بيقدم Frozen Yogurt بأطيب أنواع  تشكيلات التوبينغ. الدنيا  حلوة هو بديل روعة لـ Pinkberry وبيقدم كمان كتير خيارات صحية، وفينا نقول بثقة إنه التوبينغ الفواكه عندن أحلى من التوبينغ بـ Pinkberry.

وكمان مننصحكن بكولد ستون كريمري (مش مطرح محلي) اللي نزلوا أيس كريم فرويو جديد بتوبينغ الفريز والتوت البري، وكمان عندن خيارات كتيرة. 

بتحبوا البوظة؟ شوفوا هون.