لقينالكن ٦ من أجمل القعدات الجبلية حول لبنان

قعدة الجبل عندها سحرها وجمالها الخاص، والجبال من أكتر الأماكن السياحية اللي بتجذب ناس بلبنان! كرمال هيك، لقينالكن ٦ من أجمل القعدات الجبلية حول لبنان، و ع إختلاف أنواعها! 

1. القعدة على راس الجبل عند منتجع الكهف، القموعة 

منتجع الكهف واحد من أجمل أكواخ الخشب الرومانسية بلبنان، عندو قعدة على حفة الجبل وبتطل على الجبال وسهل القموعة. بتحسوا حالكن إنكن مع الشريك بعالمكن الخاص، مع فيو خيالية وترويقة طيبة على الصبحيات. 

الرقم: 103 411 70 

2. القعدة بقلب الغابة عند  Cedar Scent، نيحا 

بيت ضيتفة بموديل مودرن مخبى بين الأرزات بغابة نيحا. مطرح عندو قعدة رايقة وخاصة، تراس بيطل على أجمل المناظر الطبيعية، وفيه كل وسايل الراحة والدفى. 

الرقم: 511 233 70 

3. القعدة بقلب بيت قبة مغمور بالتلوج عند The Dome 

كتار منا بيفتشوا على تجربة مميز بالطبيعة التلجية، وهالبيت القبة بيقدملكن أحلى قعدة بين تلجات كفردبيان. بتلاقوا عند ذا دوم كل وسايل الراحة و الترفيه، صوبا حطب، جاكوزي، ألعاب وأفلام، منظر مفتوح ع الطبيعة، وقعدة بعيدة عن العالم. مطرح غير شكل للعشاق اللي عم يبرموا ع قعدة خاصة وحميمية!

الرقم: 330 331 70 

4. القعدة الجبلية بقلب بيت تراثي قديم عند بيت كرز بإهدن

بيت كرز واحد من أجمل بيوت الضيافة التراثية اللي على الدقة القديمة. قاعد هالبيت بقلب شوارع ضيعة إهدن، وعندو نفس جبلي شمالي أصيل غير شكل!

الرقم: 155 660 76 

5. القعدة بقلب كوخ خشب ع الطراز السويسري عند وود هيلز

ما بتكمل القعدات الجبلية من دون كوخ خشب! رح بتلاقوا راحتكن من قلب أكواخ خشبية مكنكنة ودافية عند وود هيلز. مكان بيقدم تجربة منتجع بأحضان الطبيعة الجبلية بميروبا. عندو أجمل مناظر للجبل وترويقة الصبح على رواق وقعدة بين التلوج!

 الرقم: 786 177 76 

6. قعدة إستثنائية ع صخور الجبل عند كايم 

بيت ضيافة من الخيال ناطركن ع صخور ميروبا، وواحد من أجمل بيوت الضيافة الرومانسية بلبنان! عندن منظر بياخد العقل بالجبل وكل وسايل الرفاهية، من بانيو مع فيو مفتوح لقعدة المسبح الساخن بنص الطبيعة بهيدي السقعة. 

الرقم: 494 649 81 

خبرونا، أي من هيدي القعدات الجبلية مفضلة عندكن؟

شوفوا كمان،٦ بيوت ضيافة بترجعكن لإيام الزمن الجميل