ضيافات البيوت اللبنانية: من الولادة حتى الموت!

ما بتقطع مناسبة عنا بلبنان من دون ما نضيف شي. العيل والبيوت اللبنانية بيتنافسوا بهالموضوع من زمان وجاه وكل حدا على طريقتو، خلينا نتعرف اليوم على الضيافات اللبنانية من الولادة حتى الموت، لنكتشف كيف الضيافة عنا بلبنان مرتبطة بكل تفاصيل الحياة.

١. الولادة

المغلي:

بعد ولادة المولود الجديد، بقدموا الإمات “المغلي” للضيوف، وهوي عبارة عن بودينغ رز بني اللون بسبب البهارات المضافة إلو. بيتكون من الرز الناعم والسكر والمي والكراوية والقرفة الناعمة، وبيتزين بالمكسرات وجوز الهند.

٢. بس يطلعوا السنان

السنينية:

بمناسبة ظهور سنان الأطفال، بقدموا البيوت اللبنانية “السنينية” للضيوف، وهي عبارة عن قمح مقشور مع السكر والمي الزهر والقلوبات.

٣. النجاح ب الامتحانات

البقلاوة وعصير الأناناس:

بس ينجح الولد ب الامتحانات، بتقدم عيلتو “البقلاوة” و”عصير الأناناس” للتهنئة، وبضيفوا البعض “بيتي فور”.

٤. طلبة الإيد

علبة شوكولا فخمة: بس سروح الشب ليطلب إيد بنت لازم يجيب معو علبة شوكولا فخمة وهدايا تانية.

٥. الزواج

ضيافة العرس: بنهار العرس، بحضروا بيت العروس والعريس ضيافة مميزة للضيوف عبارة عن arrangement بيتضمن الشوكولا والمرسبان وبيتي فيور والبقلاوة وعصير الأناناس.

٦. الدفن

لقمة رحمة:

من بعد مراسم الدفن، بتقدم عيلة الفقيد “لقمة رحمة” للضيوف على روح الفقيد، مع فنجان قهوة مرة.

شوفوا كمان، تجربة فريدة: مطعم جديد بجبلكن الأكل على السيارات!