أمل حجازي عم تغني بمقتطف فيديو، هل بترجع للفن؟

“زمان، قلبي إستحلى من زمان إنت الأحلى، كنت تكون بالعيون…”

مين منا ما بيتذكر هالأغنية من سنة ال-2013 للفنانة أمل حجازي يلي سرقت قلوبنا كلنا وبعدنا حافظين كلماتها لليوم؟

هيك ظهرت فنانتنا المحبوبة عم تغني مبارح بس هالمرة ظهورها كان مختلف عن كل مرة، أدهشت محبيها وصارت تريند على مواقع التواصل الإجتماعي وشو السبب؟ لأن ظهرت بمقتطف فيديو إنتشر ببينها عم تغني غنيتها الشهيرة “زمان” بس هالمرة ما كانت لابسة الحجاب. 

@opticashek الفنانة أمل حجازي عند اوبتيك العاشق فردان #اوبتيك_العاشق ##fyp ##fypシ゚viral #trend #explore #verdun #viralvideo #لبنان #قطر #دبي #امارات #العراق #السعوديه #لبنان#مشاهير #الشعب_الصيني_ماله_حل😂😂 #بيروت_لبنان🇱🇧 #الحمرا # #lebanon #beirut #baalbeck #explore #viralvideo #لبنان #نظارات_شمسية #بيروت ♬ original sound – optic alashek

 سنة 2017، اختفت الفنانة اللبنانية عن الساحة الفنية كلياً وقررت تعتزل وتتحجب وأطلقت بوقتها أناشيد وتواشيح دينية بصوتها واتجهت صوب التبشير.

هلق البعض بيعتقد إنو أمل إلها فترة شالحة الحجاب لأن ظهرت من فترة على موقعها الخاص على انتستاغرام بصورة مغطاية فيها راسها ببرنيطة وبس بدون حجاب.

أكتر من هيك صارت أمل حجازي حديث الساعة بين الناس والمعجبين على مواقع التواصل الاجتماعي لأن هيدا الفيديو عمل ضجة كبيرة وجعل الجميع يتكهنوا باحتمال عودتها لعالم الفن من جديد. 


وهيك كانت ردات الفعل على موقع تويتر:

نحنا اشتقنا كتير لصوتها وضحكتها البريئة، إنتو شو رأيكن؟