شو مشاريعنا
لقينالكن ٣٠+ مطرح بالطبيعة لأحلى مشوار هالربيع
كلنا محمسين لمشاوير أول الربيع، لما يصير الطقس دفى وشمس والهوا بعدو برود. كرمال هيك، لقينالكن ٣١ مطرح بالطبيعة حول لبنان لمشوار الربيع!
1. مطعم بيوماس، جربتا
بيقدموا أكلات لبنانية بيتوتية، مطرح مثالي لنزهة وبوفيه مع العيلة.
الرقم: 532 532 03
2. Rasmaska Gardens، طرابلس
مطرح تاني مثالي لنزهة بالطبيعة!
الرقم: 470 170 79
3. جم فروتس، جبيل
مزرعة بندورة مهضومة بقلب جبيل، بتقدم نشاط قطاف البندورة!
الرقم: 933 558 03
4. إيڤن، جبيل
وجهة تانية بجبيل بتجيبلكن قطعة من الطبيعة بقلب كافيه.
5. كافيه و بار غرين هاوس، البترون
هربوا من العجقة ع كافيه مليان جنينة وخضار.
الرقم: 310 125 70
6. شلالات عيون السمك
وحدة من أروع جواهر الشمال الطبيعية، وفيها دروب مشي مميزة.
7. شميسة كامب، جزين
تخييم بجزين وتسلق جنب الشلالات!
الرقم: 760 527 81
8. شلالات نبع مرشد، الشوف
مافي أحلى من صوت المي الجارية وإنتو عم تستمتع بطعام لبناني تقليدي.
الرقم: 220 310 25
9. جنينة الخواجة، فقرا
واحد من أجمل الوجهات الربيعية بفقرا كفردبيان!
الرقم: 568 444 76
10. Farmville، الباروك
أجواء ريفية وجمعة عائلية، في أحلى من هيك؟
الرقم: 811 711 76
11. دبل تي، غابة الشبانية
سواء عبالكن تتفرجوا ع الغروب أو تقضوا أمسية رومانسي ةتحت الأضواء الخافتة، دابل تي هو المكان المثالي لإعادة شحن طاقتك بالطبيعة.
الرقم: 919 021 71
12. Glamping، مغدوشة
تجربة إستوائية رومانسية بأحضان الطبيعة وع منظر البحر!
الرقم: 707 157 70
13. كابن شويتا، كفرحلدا
ملاذ تحت شجر البلوط العالي، هالكابن بكفرحلدا كتير رح يبسطكن.
الرقم: 324 320 81
14. ريفر زين، الشوف
تخييم جنب النهر وبوسط الغابة!
الرقم: 716 680 71
15. جنّتي، قرطبا
قطعة زغيرة من الجنة بقرطبا مع منظر خلاب للوادي!
الرقم: 399 477 81
16. مطعم توريست، الباروك
غدا من فوق الجبل و ع منظر الوديان!
الرقم: 768 231 03
17. بحيرة بنشعي
خدوا أصحابكن وروحوا على بنشعي! بتقدروا تتغدوا بمطعم بحيرة بنشعي وتعملوا نشاطات حلوة.
18. الفزر، كفرمتى
موجودة بقلب كفرمتى، بتبلشوا جولتكن بالمرور من خلال الشق الصخري الرائع وبتكفوا درب المشي حتى توصلوا ع النهر.
19. شلال كفرحلدا
الشلال الرائع محاوط بكتير من مطاعم وبيوت ضيافة، فرح يكون عندكن نهار مليان بالاكتشاف والجمال بكفرحلدا.
20. بيت الجبل، دير القمر
واحد من أجمل الأماكن بلبنان كلو، عبارة بيت جبل للضيافة ومطعم لبناني بتراس خيالي.
الرقم: 767 160 71
21. شلالات سرجبال
هالضيعة متواجدة بين الجبال وبتتمتع بأحلى المناظر السحرية للشلالات.
22. سمارولا، الأرز
سمارولا هو مهرب حلو ع راس الجبل، بيطل على أرزات لبنان وواوي قاديشا المقدس.
الرقم:933 923 81
23. روت 829، حصرون
هالمطرح بيخليكن تحسوا كأنكن بالبيت! استمتعوا بليلة مليانة نجوم حول النار ومع الصحبة الحلوة والأكل الطيب.
الرقم: 829 000 71
24. معبد نيحا
هالمعبد بالشوف مش بس عنده منظر حلو، بس كمان بيعرفكن ع التاريخ.
25. نهر وشلال بسري
من أحلى الأماكن الطبيعية اللي فيها كتير مميزات! غير النهر والشلال، فيكن تتفرجوا ع الأعمدة الرومانية القديمة بمرج بسري.
26. تري هاوس، عين الدلب
بيت شجرة رح يدهشكن بصيدا.
الرقم: 547 720 71
27. طاولة عميق، البقاع
مشوار بقاعي بإمتياز، من اللقمة البلدية للقعدة بوج السهل.
الرقم: 481 004 03
28. The Pines، الكورة
سهرة نار بالليل تحت الصنوبر وبمطرح روعة!
الرقم: 142 565 03
29. كروب، الكورة
قعدة خارجية رائعة وأصناف منيو فريدة مصنوعة من المنتجات المحلية!
الرقم: 090 159 03
30. جلسة عرزال، حراجل
هالمطعم التقليدي اللبناني ما فيه أحسن من قعدتو برا حد الدفاية.
الرقم: 650 711 03
31. كيف، جزين
مخبى بالريف بجزين، هالمزرعة قعدتها طالعة من عالم الحكايات.
الرقم: 449 441 70