أكل وشرب
١٢ مطعم بديل عن KFC لتجربوا أطيب دجاج مقرمش ببيروت
بما انو خبرناكن عن ٣٥+ كافيه محلي بلبنان أطيب من Starbucks، قلنا من كفي هالسلسلة اللي بتدعم المطاعم المحلية بلبنان. كرمال هيك، لقينالكن ١٢ مطعم بديل عن KFC لتجربوا أطيب دجاج مقرمش.
1. Buckit، سوديكو
كل الأشيا الطيبة بتجي على شكل دجاج مقلي ومقرمش، وBuck-it عم ياخدو هالموضوع بكل جدية. من ال Just Chick strips لبرغر ال Ranchero، الدجاج عندو مقرمش وبيشهي.
الرقم: 353 666 01
2. Firebird، مار ميخائيل
المنيو عند Firebird بسيطة بس قوية وحرة! فيكن تختار بين: طبق دجاج أو طبق برغر (مع دجاج مقلي أو برغر دجاج مقلي، الخبز، البطاطا المقلية المبهرة، الكبيس، سلطة سلو، معكرونة بجبنة، و تشيتوس).
الرقم: 870 570 71
3. كريسبي و فاهيتا, الغبيري
كريسبي و فاهيتا متخصص بالدجاج المقلي مع القرمشة المثالية والصوص اللي بتشهي.
الرقم: 621 886 81
4. Chicken Way – مشرفية، بشارة الخوري، سنترو مول، سيتي سنتر
تشيكن واي هو المنافس المحلي الأول ل KfC، بطعم دجاج مقرمش ألذ وأسعار مميزة.
الرقم: 999 566 76
5. ميني غيت – سليم سلام، سنترو مول، مكالس، جل الديب
من الدجاج المقرمش ع الآخر، للبرغر و السندويشات الميني الشهية، ميني غيت بيناسب كل الأذواق ولأحلى القعدات.
الرقم: 707 470 70
6.كريسبي وشايك, الأشرفية
صواني من الدجاج مقرمش، دجاج بروستد، تاكو مقرمش، تورتيلا، وبرغر كرانشي لتلبية كل رغباتكن!
الرقم: 116 755 81
7. اكسبرس – بدارو، كورنيش المزرعة
هالمحل انتشر عالسوشال ميديا من فترة بسبب مقرمشات الدجاج اللي بيقدموها بسعر حلو.
الرقم: 196 991 81
8. HFC – حي السلم
محل انشهر كتير ع تيك توك، وكلو بفضل عروضن اللي مش معقولة. HFC بيقدملكن كل شي من الشاورما للبيتزا، بس هني إختصاصن هو الدجاج المقلي.
الرقم: 620 292 70
9. Chicks A Lot – بدارو, الدكوانة
بـ Chicks A Lot, كلشي عندن كرسبي، سوا كانتاكو بطاطا محمرة أو الدجاج المقرمش.
الرقم: بدارو 346 872 81 – دكوانة 060 622 71
10. فخري تشيكن – حازمية, المنصورية
الدجاج المقلي بهالمطعم المحلي أحسن من كنتاكي، خصوي مع البطاطا الرقيقة. غمّسوا دجاج البسطرما المميز من فخري بالصوص اللي بيخطر عبالكن.
الرقم: الحازمية 988 454 05 – منصورية 940 533 04
11. BBQ House – الجناح، الشياح
عندن منيو واسعة من المقبلات، السندويشات، والبرغر، يعني The BBQ House عندو شي لأي حد! إذا كنت من محبي الزينجر، رح تعشق برغر الدجاج المقرمش عندن، عدا عن الستربس الجوسي.
الرقم: الجناح 558 822 01 – الشياح 057 555 01
12. شيكن كو، حمرا
مع وجبات مطابقة لمطعم KfC وألذ CHKN.CO بيقدملكن وجبات للعيلة و برغر بيشهي.
الرقم: 189 199 76
شوفوا كمان، ١٠ محلات بتعمل برغر متل برغر كينغ بلبنان!