تعرفوا على أشهر القصور الأثرية بلبنان!

اليوم رح ناخدكن بجولة أثرية ما بتنسوها، رح نسافر عبر الزمن و نزور أروع قصور بلبنان. هالقصور مش بس حيطان وحجار، كل قصر فيهن بيحكي قصة طويلة وعريقة بتجسد أمجاد لبنان بهيديك الإيام.

١. قصر المير أمين، بيت الدين

عمرو الأمير بشير الشهابي لابنو عام 1839 وكان بوقتها الأمير يعمل في الحفلات والولايم المهمة وبس مات رجعت استثمرتو ورممتو الدوله اللبنانية وتحول لفندق فخم عام 1986 واليوم فيكن تطلعوا تزوروا أو حتى تعملوا عرسكن في.

الرقم: 924 900 03

٢. قصر الصنوبر، بيروت

^{Credits: almodon}

المقر الرسمي للسفير الفرنسي بلبنان ومن على الشرفة تبعو تم إعلان دولة لبنان الكبير بالزمانات. تم بناءو من قبل ألفرد موسى سرسق سنة 1916 كجزء من كازينو قديم بضم ميدان خيل وهوي من الطراز العربي والعثماني ومصمم مع قناطر داير من دار ويعتبر من أجمل مقرات السفارات بالعالم وأكبرها.

^{Credits: Samir Abi Abdallah}

٣. قصر بيت الدين، بيت الدين

قصر بيت الدين أو قصر الأمير بشير بالشوف أحد أجمل المزارات السياحية بلبنان وهوي تحفة لبنانية عتيقة تم بناءو أوائل القرن التاسع عشر وهوي المقر الصيفي لرئيس الجمهوريه بلبنان. عبارة عن قصر أثري بيتألف من عدة غرف وحدائق وباحات مع منقوشات أثرية وكأنو مدينة بحد ذاتها.

٣. قصر سرسق، الأشرفية

هالقصر تم بناءو من قبل نقولا سرسق سنه 1912 وبوقتها طلب صاحب القصر قبل وفاتو سنه 1952 بوصيتو من بلدية بيروت إنو يتحول لمتحف للفن الحديث وشرط يكون رئيس البلدية عم يشرف على المتحف وتدير شؤونو نخبة من الشخصيات البيروتية.

للمزيد من المعلومات عن قصور شارع سرسق، شوفوا هالمقال.

٤. قصر زيادة، بيروت

قصر زيادة أحد أجمل القصور الأثرية من القرن التاسع عشر موجود بحي زقاق البلاط 1860 وهالقصر عاش الوجع الكبير لي عاشتو مي زيادة بعد الإكتئاب الحاد لي شعرت في من بعد وفاة حبيبها الكاتب جبران خليل جبران.

٥. قصر فخر الدين التاني، دير القمر

قصر من القرن السابع عشر ببلدة دير القمر بالشوف بنا الأمير فخر الدين المعني التاني بأوائل القرن السابع عشر وتميز بتصميمو الشرقي التقليدي المميز. بضم هالقصر متحف ماري باز للشمع الشهير لي في بقلبو أكتر من 40 تمثال من الشمع لأهم الشخصيات بتاريخ لبنان.

شوفوا كمان، سلسلة حلقات بتكشف أجمل حكايات مخفية عن بيروت ولبنان: الذاكرة الجماعية.