٦ محلات جديدة فتحت ببيروت!

تعودنا نعرفكن ع كل شي جديد بالبلد، وبيروت دايماً فيها أماكن جديدة لازم تكتشفوهن. كرمال هيك، رح ناخدن بأول الأسبوع مشوار ونعرفكن على ٦ محلات جديدة فتحت ببيروت لازم تزوروها.

ملاحظة: في بعض من هالمحلات رح يفتحوا قريباً!

١. فيلا كلارا، الصيفي

مطعم فرنسي جديد كتير حلو وراقي فتحو الشيف الفرنسي أوليفييه غوجون. بيخليكن تحسوا حالكن قاعدين بباريس مع ديكورات عصرية فيها ريحة بتذكركن بالإيام القديمة.

الرقم: 6878 040 694 +30

٢. Em Sherif Deli، وسط بيروت

مطعم إم الشريف المحبوب رح يفتح محل جديد إسمو “Em Sherif Deli” قريباً بوسط بيروت. رح يقدملكن كل شي بتشتهوا من سندويشات ومونة و مربيات وغيرها من الأكلات الجاهزة.

خلوكن متابعينن على موقعن ع الإنستغرام لتعرفوا أيمتى رح يفتح!

الرقم: 119 919 76

٣. كيي، الصيفي

ما تفوتوا تجربة جديدة وشيقة بمطعم كيي، مطعم جديد بقلب الأشرفية عندو قعدة تراس حلوة وصالون جواني راقي. لائحة الأكل عندن مليانة بأطباق مميزة ولذيذة بالإضافة للكوكتيلات الخاصة بالمحل.

الرقم: 163 639 81

٤. مطعم فريد، الجميزة

مطعم جديد انضم لسلسلة المطاعم بالجميزة، بيقدم تشكيلة من الأكلات اللبنانية الأصيلة. فريد (اللي معنا مميز) بيحول الأكلات المحببة على قلوبنا لتجارب لازم تجربوها مع لمسة فريدة من نوعها.

الرقم: 515 575 01

٥. Bloom، الأشرفية

قهوة جديدة ومهضومة رح تصير مكانكن المفضل لشرب القهوة. الديكور بألوان الباستيل والمقاعد كتير حلوة وراقية بخلوكن ترتاحوا وتستمتعوا.

خلوكن متابعينن على موقعن ع الإنستغرام لتعرفوا أيمتى رح يفتح!

٦. مطبخ الكبة kibbe Kitchen، الجميزة

مطعم جديد “مطبخ الكبة” رح يفتح قريباً ويقدملكن أكتر من ٢٠ حشوة مختلفة للكبة لتدللوا بطنكن مع كل أنواع الكبة اللذيذة.

الرقم: 525 135 03

خلوكن متابعينن على موقعن ع الإنستغرام لتعرفوا أيمتى رح يفتح!

شوفوا كمان، ٧ محلات خرج ترويقة بجبيل!