في حلو جديد لرمضان: فرويو الداعوقية!

الحلويات العربية بتصير أطيب خلال رمضان، وهيدا المحل للفرويو أو Frozen yogurt بصيدا عم بقدم منيو جديدة خلال الشهر الفضيل علشان تستمتعوا باللمسة الخاصة اللي أضافها على حلوياتكن المفضلة. وأبرز حلو بالمنيو؟ فرويو الداعوقية!

Yowgurt هو محل حلو بصيدا بيقدم كل شي متلج، من أطيب فروزن يوغرت (فرويو) لآيس كريم. ومعروف انو بيستخدم السكر القصب الخام لطعمة الحلاوة الطبيعية، وهالشي بيعزز النكهة وبيخليها خيار روعة للكل، خصوصي الناس اللي بتتبع دايت أو عبالها سكر خفيف. 

هيدا النوع من الحلو اللذيذ معمول من نكهة الفستق، مع طبقة من الفرويو المتلج والكريمي، وأكيد شوية فستق مرشوش ومقرمش.

وبالإضافة لحلو فرويو الداعوقية، كمان عندن نزلوا نكهة من الFrozen Yogurt المجمد مع حلويات القطايف التقليدية. وللصراحة، محمسين نعرف شو بعد مخبية المنيو من حلويات رمضانية شهية نجربها هيدا الشهر، خصوصي من نكهات البوظة! 

بتلاقوا اليوغرت عند Saida Food Park، أو يتقدروا تطلبوا حتى عن طريق توترز. ما فيه متل الحلو بعد الإفطار، خصوصًا إذا الجو مناسب للأكلات المتلجة والبوظة!

شوفوا كمان، إشتقتوا ل Pinkberry؟ لقينالكن ٤ مطارح لتدوقوا Frozen Yogurt بلبنان