بتعرفوا إنو صار في شي إسمو فتة الرز بحليب؟!

كلنا منحب الفتة وكلنا معودين على صحن فتة اللبن مع خبز محمص على الوج بس هلق صار في جديد لازم تدوقوا وتجربوا إذا بتعشقوا الفتة.

أبو زهير الحنقير يلي معودنا على اختراعاتو يلي ما بتخلص بالحلويات، ابتكر هالطبق الجديد. والحلو إنو لو شو ما عمل عمو أبو زهير أصناف جديدة وإختراعات بتحسوها عتيقة وفيها ريحة التراث اللبناني لأن بيستعمل مكونات طبيعية وكل شي طازة ومعمول على الإيد لتستمتعوا بكل لقمة.

دوقوا أطيب تحلاية وأطيب صحن فتة الرز بحليب من تحت ديات عمو أبو زهير يلي فيها ريحة لبنان. أما حلوياتو الباقيين، كمان غير عالم!

شو فيها فتة الرز بحليب؟ عبارة عن كاسة رز بحليب مع كعك ع الوج، شوية مكسرات، رشة فستق حلبي، كاجو، لوز وبندق وجوز مقطع، مع ملعقة من بوظة السحلب الدق وقطر ع الوج ويلا ع البطون… عنجد شي بشهي.

واكيد رح تلاقوا هالاختراع طيب لأن متل ما سبق وقلنا عمو أبو زهير ما بحط غير حواضر البيت بقلب الحلويات يلي بيعملها وبيتفنن فيها.

بتلاقوا هالمحل بقلب صيدا، وعندو كذا فرع بالمنطقة، إفتتح بوابو بالأول لكل المغرومين بحلو السحلب المشهور. ما وقفوا بس عند السحلب لي كلنا منعرفو، قدروا يبتكروا منيو متنوع ومليان أصناف حلو بيتوتية متل المغلي، الرز بحليب المجمرة، المهلبية، الجيلو، الكاستر وغيرن من الحلويات شغل إيد.

يلا عند عمو أبو زهير! دوقوا هالطبق الجديد وخبرونا شو رأيكن!

الرقم: 884 847 70

شوفوا كمان، ١٨ حلو تهدوهن بس تكونوا معزومين ع الإفطار!