أشهر دعايات رمضان يلي ربينا عليها بلبنان!

شهر رمضان شهر الخير والبركة والمسلسلات والأكل الطيب، وشهر الدعايات المميزة والجميلة يلي بترافقنا طيلة الشهر الفضيل.

هالمقال رح يرجعنا بالزمن شوي ورح نتذكر أشهر دعايات رمضان يلي ربينا عليها.

١. قساطلي شتورة

“يا حلا جلابي ع ضو القمر، شو في بكاسك قلي وبعتلي خبر، عنب الدوالي تمر صنوبر والورد ببالي وع شفافي صور، وعن سر الجلاب حكيلي وديلي خبر، قساطلي شتورة جلاب…” مين ما بتذكر هالغنية يلي كل رمضان بتجي عراسنا. هل دعاية قديمة كتير من سنة ال 1987 ولكنّ بسبب النجاح الكبير ولأن الناس ضلت تغنيها رجعوا جددوها من كم سنة بصوت روكسان وكل سنة بشهر رمضان بحطوها على التلفزيون وكلنا ببوتنا من غنيها عرمضان من دون تفكير.

٢. الرفاعي

وقتها قررت شركة الرفاعي تعمل إعلان رمضاني غير شكل، غير عن الدعايات لي بتعملها عادةً وفعلاً نجحت الدعاية إنو تسوق للبزورات ولكل الحلويات العربية والفواكة المجففة يلي بتعملها الشركة بأسلوب شرقي مميز مع معايدة “رمضان كريم” بالآخر.

٣. الناس للناس

الإعلان إنشهر بسبب موسيقتو الرمضانية الحلوة، ما صرلو زمان بس بسبب الموسيقى التصويرية والزينة الرمضانية الناس حبتو.

٤. عبد الرحمان الحلاب وولادو

مين ما بتذكر هيدي دعاية الساحرة أخدتنا على عالم الأحلام والحكايات الرمضانية من أول مشاهدة؟ كلنا ندوخنا فيها أول ما طلعت، لأن أول شي بتحكي عن جمال طرابلس وتاني شي بسبب الزي الرمضاني والعروض الصوفية الرمضانية يلي بتخليها تكون من أجمل دعايات الحلاب إذا مش الأجمل على الإطلاق.

٥. جمعية المبرات الخيرية

كلنا منتذكر الموسيقى والمشاهد بالفديو يلي أثرت فينا بشي طريقة وبآخر الدعاية بيطلع صوت بيحكي عن أهمية التبرع للجمعية “بتزرع البسمة في دروب الحياة”.

شوفوا كمان:

تذكروا معنا أهضم الدعايات الرمضانية لي ربينا عليها