بتتذكروا فيديو الكرواسون العملاقة؟ هلق صار فيكن تجربوها بلبنان!

مين ما بيتذكر هالفيديو يلي أنشهر كتير على انتستغرام؟ صبية قاعدة بكافيه، فجأة بيجيها على الطاولة كرواسون كتير كبيرة، بتصير تغطسها بفنجان القهوة، ولفتت أنظار كل الناس حوليها.

هيدا الشي صار فيكن تعيشوا هلق بلبنان!

عند محل واحد ما في غيرو جايبلكن هالتجربة الفريدة بكل لبنان، إسمو “كرواسون بار“.

المكان قاعد بسوق جبيل العتيق، وعندو قعدة مهضومة كتير، وزغتورة بتفرفح القلب.

ما في شي أطيب من الكرواسون، الصبح أو العصرونية. وهالكافيه المميز بيعمل كرواسون طازة من الفرن بتشهي.

وعند كرواسون بار فيكن تطلبوا الكرواسون العملاقة مع فنجان قهوة، وتعيشوا تجربة جديدة ومميزة، كأنكن سافرتوا على لندن.

!وهيدي الكرواسون كلها ب10$ وأكيد فيكن تزيدوا عليها الإضافات لي بترغبوها ونصيحة خدوا معها فنجان قهوة لتغطسوا فيها!

حملوا الكرواسون بإيد، غطسوها بفنجان القهوة، وحملوا الكاميرا بإيد تانية، وخدو أجمل صورة تذكارية وفيديو بوثق التجربة.

عنجد تجربة جديدة ومميزة بتخلي القلب يدق. على قد منا بسيطة، بس بتضل شي إستثنائي وبتمنحكن شعور حلو.

عندن كل أنواع الكرواسون لي بتستحلوها، مالحة أو حلوة، محشية من جوا ومن برا، طرية وبتقرمش ومليانة بالطعمات، طازة وريحتها بتاخد العقل.

غير هيك بتلاقوا عندن كمان أطيب أنواع القهوة يلي بيجي عبالكن تشربوها مع قطعة الكرواسون العملاقة، وكمان صوصات على جنب لترفقوا طعماتكن المفضلة، كل لقمة رح تفرفح الطفل اللي جواتكن!

وحتى فيكن تطلبوا كرواسون الحجم الزغير مع القهوة!

العنوان: سوق جبيل
الرقم: 305 488 81

شوفوا كمان، سمعتوا عن أوتوكار المدرسة لي صار مطعم ببيروت؟