اختراع جديد: ورق عنب مقلي!

محبوب الجماهير صار مقلي! أكيد مجربين الورق عنب بكل أشكال وألوانو… القاطع بزيت ويلي بيجي مع كاستاليتا ويلي بيبقى مغطس بدبس الرمان بس شي مرة مجربينو مقلي؟ هل اختراع غريب بس ولا أطيب من هيك!

لأن مطعم بيتنا بيعرفوا طعمة تمنا على المزبوط، قرروا يعملوا اختراع جديد ما حدا سبقن علي: ورق عنب مقلي بيقرش قرش!

عم تتخايلوا المنظر! عم تتخايلوا الريحة! عم تتخايلوا الطعمة والقرشة! يا ويلي شو طيبة! عبارة عن ورق عنب مع الحشوة تبعو مغطس بالشعيرية ومقلي منيح، بيتقدم مع المقبلات، بتغطسوا بصحن الحمص وبتاكلوا مع التبولة لتشعروا بطعمة غريبة ولذيذة.

شو بيعملوا كمان؟ المازة اللبنانية، المقبلات السخنة والباردة، النية، المشاوي والحلويات. ما فيكن تختاروا طبق مفضل، لأنو كل شي مطبوخ بدقة كأنن عم تاكلوا أكلات بيت!

بيستقبلوكن أول شي بصحن شوربة عدس قبل كل شي وممنوع تفلوا قبل ما تجربوا الكبة كباب يلي بيعملوها بكل أشكالها وأحجامها، الكبة مشوية، النية القراص والكباكيب وفناجين الكبة وغيرن.

اللقمة الطيبة وعلى البركة موجودة عند بيتنا، فيكن تقصدوهن بمطعمن بطرابلس وتجربوا كل الطعمات والنكهات الجديدة والغريبة وأكيد أكيد أطباق المازة التقليدية كمان مع أطيب لقمة خبز طازة.

العنوان: طرابلس، ضم وفرز
الرقم: 000 838 76

شوفوا كمان، ٧ محلات بقدموا كلاج رمضاني بلبنان.