شو مشاريعنا
إليز داود

٧ متاحف غريبة عجيبة لازم تزوروها حول لبنان!

كلنا منحب متحف بيروت الوطني كتير! بس اليوم عبالنا نغيير شوي ونزور متاحف جديدة. لبنان مليان متاحف مميزة فيها أكتر من مجرد تحف وقطع أثرية قديمة، خلينا ناخدكن جولة على بعض هل متاحف حول البلد.

١. متحف بيلي كرم، زوق مصبح

ربح البطل اللبناني السابق بسباقات الدراجات النارية نبيل أو المعروف ب “بيلي” كرم العديد من البطولات محلياً ودولياً خلال فترة بقائو بالقمة بسباق الرالي، طبيعي إنو يكون عندو متحف خاص في. بعض السيارات هي تذكارات وجوائز بفوزو بالمسبقات، وكمان في مجسمات بيوصل عددها لـ ٥٧٧ تحفة بتجسد فترة الحرب .

٢. نابو، الهري

هالمتحف الرائع عندو مجموعة استثنائية من التحف الآثارية من العصر البرونزي والحديدي بمثلوا الثقافات الرومانية، اليونانية، البيزنطية، الفينيقية والميزوبوتامية، بالإضافة للثقافة اللبنانية المعاصرة، وعندن كمان مخطوطات نادرة و مواد إثنوغرافية. وكمان هالمتحف عندو منظر على البحر بيخلي زيارتكن ممتعة.

٣. متحف الحياة البحرية والبرية، جعيتا

بتلاقوا عندو أكتر من 5000 عينة وأكتر من 2000 نوع موجود بلبنان، متحف الحياة البحرية والبرية عندو 6 معارض مختلفة عن الطيور والزواحف والمعادن والمخلوقات البحرية والأصداف والأحجار الكريمة، متعة للزغار والكبار!

٤. متحف البنك المركزي، الحمرا

تقدروا تشوفوا في بعض من أقدم العملات المحلية يللي كانت تستخدم بالماضي. بيتضمن الأوراق النقدية العثمانية و اللبنانية من عام 1919 بالإضافة للعملات المعدنية يللي بتعود للقرن الخامس قبل الميلاد.

٥. متحف الCrypt، وسط بيروت

بتعرفوا إنو تحت كاتدرائية القديس جورج الأرتوذكسية ببيروت في متحف مخبى؟ هالجوهرة المخفية رح تخليلكن تكتشفوا سنين من التاريخ، من البيزنطيين لحد فترة المماليك.

٦. متحف الصابون، صيدا

تم بناء متحف الصابون بصيدا بالقرن السابع عشر كورشة لصناعة الصابون. بيتضمن المتحف أثار تاريخ صناعة الصابون بالمنطقة. وبيتضمن كمان قسم تاريخي بيعرض القطع الأثرية متل الغلايين والزجاجيات والفخارات يلي بتعود للعصور القديمة.

٧. متحف AUB الأثري، شارع النعيمة.

المتحف الأثري يلي موجود بقلب حرم جامعة AUB، أسسّوه من زمان سنة ال1868، وهو واحد من أقدم المتاحف بالمنطقة. المتحف عندو آثار من الشرق الأدنى، من العصر الحجري الأول للعصر الإسلامي. المعرض بيعرض قطع الأثرية جايي مش بس من لبنان، من سوريا، قبرص، فلسطين، مصر، العراق، وإيران.

شوفوا كمان، ضجة كيت ميدلتون وصلت علبنان: تويتر مولعها!