وأخيراً، كافيه EL&N الشهير جايي من لندن ع بيروت!

سمعتو الخبر انو كافيه EL&N الشهير جايي ع لبنان ورح يفتح بالعاصمة بيروت؟

هالكافيه والمطعم الشهير أخيراً جايي ع لبنان، بلشت رحلتو من مدينة لندن وانغرموا فيه الكل وخطف الأضواء على إنستغرام من سنة ٢٠١٧. EL&N  الكافيه العالمي المحبوب والمعروف كمان بـ “Eat, Live, & Nourish”، و اللي حاليا صار واصل ل ١١ بلد حول العالم!

تجربة EL&N ما بتتفوت!

مطرح بيتميز بالديكور الساحر ومنيو الأكل الفخمة، كافيه EL&N جذب كل المؤثرين، المشاهير، وعشاق القهوة على حد سوا. كل كافيه معمول بطريقة بتاخد الزوار على عالم ساحر، مع تفاصيل الفنية، الألوان الباستيل، والزينة الوردية اللي بتدهشكن من جمالها وبتدخل السعادة ع القلب.  

الخبر الحلو عن فتح EL&N فرع ببيروت حمّس كل عشاق القهوة بلبنان. ومن المقرر افتتاحه تحديداً بوسط بيروت، وهو مطرح شهد انتعاش كبير خلال السنتين الماضيتين.

كيف بتتوقعوا تكون التجربة عندن ؟ تقديم كيك والحلويات من عالم الخيال، خلفية رائعة للتصوير وديكور بيجذب الانتباه.

مطرح بيقدملكن مزيج مثالي من الرفاهية، والراحة، والتفنن بالأكل لتعيشوا أجمل الذكريات مع أقرب الناس ع قلبكن، العيلة، الولاد، الأصحاب! ومن المتوقع أنو يصير EL&N إضافة محبوبة ومشهورة كتير على مشهد الكافيهات المليان حياة وتنوع ببيروت!

خبرونا بالتعليقات، بتجربوا هيك كافيه مشهور؟ ومع مين رح بتروحوا لما يفتح قريباً؟

شوفوا كمان، إم شريف رح تفتح محل جديد بوسط بيروت