١٠ مطارح ببيروت لتجربوا أطيب غدا برانش!

ممكن انتو من الأشخاص اللي ما بيحبوا الترويقة بكير، أو عبالكن تجتمعوا مع أصحابكن خلال النهار. كرمال هيك، إخترنالكن ١٠ مطارح ببيروت لتجربوا غدا برانش!

1. The Barn، الجميزة

واحد من أفضل المطاعم بلبنان من ناحية نوعية وطعمة الأكل. عندو المنيو غنية بالأطباق الصحية والفريش، خصوصي السلطات ع أنواعها. إذا في شي لازم تجربوا ع غدا برانش عندن هو خبزة التوست بالخلطة المفضلة عندكن، مع العصير الطبيعي. 

الرقم: 902 449 01 – 902 449 81 

2. كافيه المندلون، الأشرفية

المندلون معروف كتير بالأطباق الطيبة والبوفيهات المفتوحة ع برانش. والأطيب من هيك انو بيعملوا مخبوزات بتشهي!

الرقم: 539 747 03 – 700 321 01  

3. كافيه يونس، فروع كافة

إذا عبالكن قهوة مختصة مع جو رايق وأكل ع الخفيف، لازم تميلوا عند كافيه يونس ع غدا برانش غير شكل. 

الرقم: 577 397 01 

4. Bartartine، فروع كافة 

بلشوا نهاركن عند بارتارتين مع ألذ المخبوزات والسناكات الخفيفة من سندويشات وكرواسون وقصص طيبة، والحلو انو كمان بتلاقوا عندن بوفيه برانش مميز تجربوا مع أصحابكن.

الرقم: 221 200 01

5. Batchig Sur Mer – زيتونة باي، سيتي سنتر 

إذا عبالكن تجربوا أطباق أرمينية ع البرانش، أو أطباق مليانة خضرة، هالمطرح رح يلبي طلبكن ويبسطكن كتير! وبوفيهاتو ع الترويقة كمان ما بتتفوت!

الرقم: زيتونة باي 654 135 70 – سيتي سنتر 307 444 70

6. La Degusteria، بدارو

مطعم La Degusteria لكل محبي السناكات الخفيفة والغنية بالطعمة، أو محبي القهوة الطيبة. والحلو انو عندن خيارات واسعة ومتنوعة ع البرانش!

7. The Beazbee

عبالكن منقوشة زعتر ميني وخفيفة ببيروت؟ هالمطعم بيقدم أشهى النكهات التقليدية والعالمية ع البرانش! حالياً عم يغيروا موقع المحل وتاركينا مفاجأة، فخليكن معن ع السمع من خلال حسابن ع الإنستغرام هون لتعرفوا كل جديد. 

8. كانتينا بيروت، الأشرفية

كانتينا بيروت مطرح مميز لكل حدا عبالو يشتغل ع رواق، ويجرب برانش مميز خلال Break الشغل!

الرقم: 714 324 01 – 714 334 01  

9. Salon Beyrouth، الحمرا

إحكو رفقاتكن واتجهوا ع صالون بيروت لتعيشوا جو الجاز البيروتي مع أطباق شهية ع البرانش. 

الرقم:  317 133 03

10. لا فول، قنطاري 

ما في متل الرجعة ع الأصول، وللصراحة برانش فول وحمص لا يعلى عليه، خصوصي إذا من عند لا فول!

الرقم:  306 375 03 – 370 375 01

خبرونا، شو بتعرفوا بعد مطارح غدا برانش ببيروت؟

شوفوا كمان، أطيب ٩ محلات “كوكتيل شقف” حول لبنان