٩ مطاعم خيالية معلّقة بالسما حول لبنان

بما انو دخلنا ع موسم الضهرات الحلوة، خلونا نخبركن عن مشاريع مميزة ممكن تعيشوها بلبنان. وللصراحة، مين ما بيحب يكون الغدا مع منظر خيالي؟ كرمال هيك، لقينالكن ٩ مطاعم خيالية معلّقة بالسما حول لبنان

1. مطعم قمر، حريصا 

مطعم قمر بيتميز بمطل الإستثنائي ع واحد من أجمل المناظر بلبنان. قاعد ع أعالي حريصا وبيقدم تجربة غدا خيالية، بتشوفوا منها الساحل كلو وبحسسكن كأنكن معلّقين بالسما. 

الرقم: 880 801 03

2. مطعم Chapo Ba ، حريصا 

هالمطعم بيتميز بواحد من أجمل المناظر الليلية، بتتفرجوا على ساحل جونية وبيروت من بعيد مع الأضوية الساحرة. عندو قعدة مليانة رومانسية وكنكنة، ورد ونبيد وأكل طيب وغني ومنظر خيالي. 

الرقم: 400 934 70 

3. مطعم سما أرزة، أدما

إطلعوا ع فتقا، ميلوا ع مطعم سما أرزة واستمتعوا بقعدة من فوق الجبل ومنظر ساحر لغروب الشمس!

الرقم: 228 556 03 – 035 600 81 

4. مطعم قرطبة، بعبدات

إستمتعوا بعشا راقي مع نبيد، موسيقى البيانو، والهوا الجبلي عند مطعم قرطبة. عندن قعدة تراس عالية ومغمورة بالصنوبر وبيقدم أطيب الأطباق اللبنانية والأرمنية. 

الرقم: 705 614 71 

5. مطعم سما زعرور، زعرور

من مرتفعات الزعرور فيكن تنبسطوا بلقمة جبلية أصيلة، كاس عرق، ومنظر خيالي بحسّسكن إنكن فوق الغيوم.  

الرقم: 063 680 03 

6. مطعم باب الهوا، إهدن 

شموا هوا إهدن وكلو من أطياب إهدن عند واحد من أجمل المطاعم بالشمال: مطعم باب الهوا، وفوق هيك قعدتو فوق الغيوم. 

الرقم: 047 456 03 

7. مطعم جلسة ورد، يحشوش

مطعم جلسة ورد اسم ع مسمى، قاعد بجنينة ورد وبيطل ع جمال يحشوش الساحر. بتحسوا حالكن عم تتغدوا ع حافة الجبل وتحتكن الوادي بكل هيبتو! 

الرقم: 014 273 03 

8. The Bevview، بسكنتا

بسكنتا بتتميز بمناظر غروب الشمس الخيالية والقعدات الجبلية المميزة، وهالمطعم رح يقدملكن هالقعدة وهالمنظر هالربيع! 

الرقم: 976 623 03 – 489 348 76 

9. مطعم جنينة الخواجة – فقرا، كفردبيان 

رح تنغرموا بطعم المازة الجبلية والقعدة فوق العلالي عند مطعم جنينة الخواجة! 

الرقم: 568 444 76 

شوفوا كمان،٧ مطاعم لتحتفلوا فيهن بالمناسبات العائلية بلبنان!