مين عبالوا كزدورة؟ شوفوا ٤ مهرجانات ربيعية مميزة عم تصير حول لبنان!

زهقانين وعبالكن وتضهروا برات البيت؟ زهقتوا من المطاعم ومن قعدة الكافيهات؟ خلينا ناخدكن مشوار على كم منطقة عاملين مهرجانات لفصل الربيع.

١. مهرجان الربيع بزغرتا

ناطركن مهرجان زغرتا من 26 ل28 الشهر، من الساعة 4 بعد الضهر للساعة 11 بالليل. لح يكون في مطاعم وكيوسكات عطول الطريق، وفقرات للتسلية رح بتضمن نشاطات كتيرة للولاد وهيك هني كمان رح يتسلوا ويقضوا وقت حلو مش بس الكبار.

الرقم: 420 004 81

٢. Dunes Spring Festival، فردان

هالمهرحان بDunes بفردان ببلش كمان ب 26 وبيستمر ل 27 الشهر، رح تشوفوا كيوسكات أكل ومعارض وعروض مسلية ونشاطات مهضومة.

الرقم: 310 785 01

٣. مهرجان الربيع بجبيل

مهرجان الربيع بجبيل عبارة عن سوق أكل، معرض منتوجات، فرق موسيقية ونشاطات ترفيهية عديدة، موسيقى، رقص وفرح وفن. وين رح يصير؟ بجنينة جبيل ورح يبلش ب أول أيار وبيستمر ل 5 أيار.

الرقم: 770 288 81

٤. مهرجان الربيع بالبترون

المهرجان ببلش من 1 أيار ورح يضل ل 6 أيار، بتلاقوا سوق أكل ناطركن من كيوسكات ومشروبات، وأكيد مع نشاطات فنية وعروض فنية وموسيقية للكبار وللزغار وعروض سيارات.

الرقم: 868 189 71

شوفوا كمان، ٧ مطاعم قاعدة بين الورود بلبنان!