١٣ غنية طريفة لغسان الرحباني: من بوي بوي بوا لإذا زعجك شيلو!

اليوم عيد ميلاد الفنان الناقد والطريف والموهوب والمبدع غسان الرحباني يلي خلق لحالو حالة فنية اجتمعاية بتوصلنا يلي عم بصير بالمجتمع وعلى الساحة السياسية عبر الأغاني المكتوبة والملحنة والمصورة بطريقة طريفة ومضحكة بس ناقدة بنفس الوقت. ولهيك لح نحكي عن ١٣ غنية طريفة لغسان الرحباني يلي عطول معودنا على الإبداع المخلوط بروح النكتة وأكيد ما كنتو بتتخايلوا إنها موجودة!

١. خلصت سنة الألفين

كانت وبعدها أشهر غنية لإلو ولي مضحك مبكي إنو الوضع بسنة الألفين كان أحسن من الوضع هلق

“بوي بوي بوا بويتا بوا بويتا بويتا بويتا بوي بويتا بوا

صارت سنة الألفين وزبط البلد صارت سنة الألفين ووصلنا عالحدد

ورطنا ورطة كبيرة وعم ناكل فطيرة

وشو حلو حظو البيعيش بسنة الألفين”

٢. بعد ما شفت شي

” بعد ما شفت شي بعدو ماشي التهريب والفوضى والترهيب

والحل منو قريب وتسلملي يا نقيب شفنا من كل شي”

٣. إذا زعجك شيلو

كتير بتضحك هالغنية

” إذا زعجك شيلو
إذا زعجك شوطو”

٤. لسه فاكر

“بتتذكروا مش من زمان كنا ناكل بالمطاعم ونشرب كمان

وبلا زغرة حتى الحذاء كان شغل الطليان”

٥. الحرية بإيد الخواجة

” زبطنا كل المطار وصارو يمرقوا على السكت من دون تطبيل وتزمير

لي كل عمرو عايش كلب الطوق ضروري تيهدي”

٦. معك ما معك

هالغنية بتحكي عن وضع مصرياتنا بالبنك

“ولما صار يومك الأسود طلع ما معك
قالولي ما تخاف في معك بس ما معك”

٧. شارجور

بتذكرنا وضعنا التعيس وقت التقنين

” دار الموتير عطيني الشارجور”

٨. ممنوع

” لماذا لا يمكنني أن أعرف ما ذا يجري من حولي

وهيك بدنا نبقى لأمتين”

٩. اشتغل

وأكيد المقصود المعاشات الواطية بالبلد

” محكوم عليك العمل ببلاش
اشتغل وما تقبض يا حبوب”

١٠. طريق المطار

مسخرة على طريق المطار

” طريق المطار شو حلوة شو حلوة طريق المطار بتجنن

شو بحبك يا مطار خليلي عينك جمالك يا مطار”

١١. معالي الوزير

” ولما تمرق بالسيارة والموكب من حولك
بتصير تطلع بالعالم وعلينا تشوف حالك

وانطلق الموكب يا كبير وسلاح بكل المعايير”

١٢. فيتامين

“محبوبين حبوبين والنتيجة طلعت على ضهر الشعب المسكين

خير انشالله شو لي صار شو عم ياخد فيتامين”

١٣. بلدية بيروت

“بلدية بيروت انتحست
كم بركة مي في بالسوق

هل يمكن ذلك لا لا لا”

شوفوا كمان، رح تنصدموا: الأسامي الحقيقية للفنانين اللبنانية!