عشاق الكبة كباب، محل خصوصي إلكن ببيروت

عبالكن كبة كباب؟ ما ضروري تطلعوا على زغرتا لتاكلوا الكبة كباب عأصولها. رح نعرفكن اليوم على محل كبة جديد فتح ب مار مخايل وعم بحضرلكن أطيب قراص كبة بطريقة كتير مهضومة ومبتكرة. عندن قراص الكبة محضرين بطريقة بتشهي وعندن حشوات ما بتخطر لا على البال ولا على الخاطر، الكبة فيها تكون محمرة أو أرنبية أو حيلا شي تاني.

يعني إذا كنتو مفكرين إنو مستحيل تحبوا الكبة أكتر من هيك، بتكونوا غلطانين.

هالمحل عبارة عن مخزن كبة، بتفوتوا بتلاقوا كل شي في معمول من كبة وإسمو Kibbe Kitchen. بتجوا وبتاكلوا قراص كبة قد ما بدكن وفيكن تنقوا الحشوة تكون لحمة، لقطين، عدس أو سمك وبتحطوا علين الصوص يلي بدكن ياها. الحلو بالموضوع إنو ما ضروري تطلبوا صنية كبة كاملة، بتطلبوا القراص وبتنقوا الطعمة يلي بدكن ياها وبتاكلوا قد ما بدكن.

من أشهر الأطباق يلي فيكن تجربوها عند Kibbe Kitchen هيي كبة على سمك وأطيب شي القرنبية وكبة القريدس.

فيكن تطلبوا معها صحن عيران على جنب تغطسوا قطع الكبة باللبن وتاكلوا قد ما بدكن.

حزروا شو؟ فيكن تاخدوا الكبة معكن على البيت تاكلوها بس بدكن، بقلب نايلون وتضيفوا منها الزوار أو تبعتوها مع الولاد على المدرسة لأن بيعملوا كمان ميني قراص كبة زغار لكل مين ما بدو ياكل كتير أو بدو ياخد معو صنية كبة على البيت أو للضيافة.

القعدة بالمحل كتير مهضومة ومكنكنة وخرج ضهرة أصحاب.

عنجد هيدا مطعم تجربة ومغامرة جديدة بحد ذاتها!

العنوان: مار مخايل
الرقم: 525 135 03

شوفوا كمان، بتعرفوا إنو فيكن تاكلوا توم بلا ريحة عند هالمحل؟