قصة حب حزينة ورا غنية ريان الشهيرة “أحلى غرام”

بتعرفوا شو قصة أشهر غنية أحلى غرام للنجم ريان؟ هالفنان لي اشتقنا كتير لصوتو الدافي و لأغانيه الرومانسية… سبب شهرتو شي شخصي صار معو أكيد ما حدا بيعرف هالقصة، قصة حب أو بالأحرى قصة حب كبيرة تعذب كتير من وراها.

القصة ورا غنية أحلى غرام:

بإيام الماضي الجميل، وقع ريان بحب بنت سورية بس الظروف ما كتبتلن يقدروا يستمروا سوا. فأخد الحزن اللي بقلبو وصبو بهيدي غنية. كل كلمة وكل لحن بغنية “أحلى غرام” فيهن وجع إنسان نحرم من الشخص لي حبو. غناها ريان بهالوجع الكبير وبهالحنين الكبير، ووصلت لهالسبب لقلوب الناس بسرعة قد ما كانت صادقة وحقيقية.

وصل الخبر لريان إنو البنت اللي كان يحبها تجوزت وصار عندها ولاد، وهالشي بقي حرقة بقلبو بس ما كان في نصيب. ولحد هلق، كل ما يغني ريان “أحلى غرام” بتحسوا فيه نفس الشغف ونفس الحزن الصادق. ونحنا منسمعها وكأنها جديدة، وكأن مش سامعينها من قبل، هلقد الغنية فاتت على قلوبنا. سمعوا ريان عم بخبر قصتو بهالفيديو بنفسو:

وين صار ريان اليوم؟

بحة ريان مميزة كتير، غريبة بس مليانة مشاعر وأحاسيس، فيها كل شي بيوصف الحب الحقيقي، عنجد صعب نلاقي متلها مش بس بلبنان بكل العالم العربي. بس وين صار ريان هالأيام؟ ليش ما عم نسمع عن أغاني الجديدة متل إيام زمان؟ منحب نقول لريان، يا ريت ما تغيب عنا كتير لأن نحنا “مش قادرين ننسى غيابك”، اشتقنا للأغاني الرومانسية على المستوى العالي لي كان يعملها ريان متل “حكيو عينيك” و”كانت روحي”، يا ريت يرجع على الساحة الفنية بقوة وتاخد أغاني الجديدة الضجة لي بتستاهلها!

“أنا مش قادر إنسى غيابك إنسى أحلى غرام”

هالكلمات اللي طلعت من قلب ريان لحّنها جان صليبا وسنة 2004 غناها ريان على المسرح ونزلت على السوق وصارت من أجمل الأغاني العربية لي انعملت عن الحب على الإطلاق.

“أنا مش قادر إنسى غيابك إنسى أحلى غرام
أنا بعز عليه بعادك مهما طالوا الإيام
دمعتي بتشهد على فراقك وعيوني ما بتنام”.

تعو نرجع نتذكر مع بعض هالغنية هون:

سمعوا كمان آخر غنية لريان “وجع قلبي”:

ونحنا منقلوا لريان، رغم كل ظروفك الصعبة لي قطعت فيها ويمكن بعدك عم تقطع فيها منحبك كتير وناطرين نرجع نشوف نجمك عم يلمع من جديد لأن ما بيلبقلك غير النجاح.

شوفوا كمان، قصة أغنية ملحم بركات الشهيرة اللي ألفها ولحنها بخمس دقايق بس!