محتارين وين تروحوا بالصيفية مع العيلة؟ زوروا هالمنتجع بالدامور!

اليوم رح نعرفكن على منتجع كتير مهضوم وخرج مشوار للعيلة كلا نهار السبت والأحد: منتجع Guanabana Resort بمنطقة بالدامور.

بيتميز بقعدتو الحلوة اللي بتكشف جمال جنوب لبنان وكمان إنو بيجمع عدة نشاطات بمحل واحد بس.

لمحبي المي واللعب بالمي، فيكن تجوا تقضوا نهار بكاملو مع ولادكن من دون ما تزهقوا ولا نتفة وأكيد رح تاخدوا لون مميز.

في كمان عندن بيسين بيشبه الزحليطة إسمو “نهر الحب”، بينزلوا منو الولاد بقلب دولاب بشكل كتير مسلي ومهضوم كأنن نازلين من النهر.

هالمحل محاط بالشجر والورود وكتير رح يعطيكن جو صيفي بكل شي موجود ومش بس هيك، بحطوا موسيقى كل الوقت وعندن كمان مطعم لتسدوا جوعكن مع قعدة بالغازون.

وكل فترة وفترة بيعملوا نشاط مميز، من القصص يلي بيعملوها حفلة حمام الصابون بقلب البيسين، بكيفوا فيها الولاد على الآخر.

مش بس هيك، بقلب البيسين رح يتسلوا الأطفال مع ألعاب بالمي والأمواج اللإصطناعية والزحليطات.

صراحة كل شي مرتب وفي أمان على الآخر والفريق يلي بيهتم بالولاد مجهز لكل شي!

شو ناطرين؟ إذا مش عاملين بعد مشاريع هالجمعة صرتوا تعرفوا وين تروحوا مع الولاد!

العنوان: الدامور
الرقم: 397 398 70

شوفوا كمان، تعرفوا على ١٠ infinity pools لازم تزوروهن بقلب لبنان!