وفاة الفنان القدير منعم فريحة: تعو نتذكر أغاني!

توفى الفنان والملحن القدير منعم فريحة، صاحب الغنية الشهيرة “على خدك حبة لولو”، عن عمر الـ82 سنة.

بلش “فريحة” مشوارو الفني بالسبعينيات وارتبط إسمو بوقتها بالفنان الكبير عازار حبيب إلى جانب مشاركتو بالعديد من الأعمال الغنائية والتلحينية. منعم فريحة خسارة كبيرة للفن اللبناني الأصيل، فريحة ما كان مجرد مطرب، كان بمثابة حكواتي شاطر بيحكي الحكي اللبناني بغنية وبطريقة عذبة.

كلنا حافظين غنية “على خدك حبة لولو”، أشهر غنية لإلو على الإطلاق لي الكبير والزغير بيعرفها وهي كلمات إلياس ناصر وألحان عازار حبيب، وأطلقها عام 82 بألبومو “جنيّ”. بس منعم ما وقف عند هالغنية، عطا للفن كتير. اشتغل مع عازار حبيب وإلياس ناصر وعمالقة الفن اللبناني. من “بعدك طفلة” لعذوبة “يا ليل شتي عتم”، كل غنية من إبداعات فريحة كانت تحكي قصة وبتحرك المشاعر.

رحل الجسد بس الفن والأرشيف بعدو موجود، صوت منعم وأغاني رح يضلوا جزء من الذاكرة الجماعية بلبنان. كل نغمة من تلحيينه رح ترجعنا لعصر الفن الأصيل ولإيام الزمن الجميل اللي الحياة كانت فيها أبسط وأحلى.

وإكراماً لروحو الخالدة ولصوتو القريب من القلب تذكروا معنا أجمل أغاني:

ع خدك حبة لولو

بعدك طفلة

بتقولي ما حدا قدك

يا ليل شتي عتم

جنى وجننيني

تجوزنا

من شعرها أنا عندي شال

إنتو جيتو نحنا جينا

يا سلام

شوفوا كمان، سامعين عن متحف عساف؟ جنة زغيرة مليانة تحف وورود.