تعرفوا على ملكات الجمال يلي خاضوا تجربة الغناء!

ما وقفت إبداعات ملكات جمال لبنان على سحر جمالن وإطلالتن على المسرح، ومن بين هالمواهب الغنا وأكيد التمثيل وتقديم البرامج! لهيك قررنا اليوم نعرفكن على حكايات ملكات جمال لبنان يلي خاضوا تجربة الغنا وللصراحة نبشنا كتير وما لقينا كتير أسامي خاضت تجربة الغنا لأن العدد الأكبر من ملكات الجمال اتجهوا لعالم التمثيل أو لعالم تقديم البرامج وبرعوا بهالمجالات بس رح نذكر البعض.

١. كريستينا صوايا

كريستينا صوايا، ملكة جمال لبنان ٢٠٠١ و ٢٠٠٢ وحصلت على لقب ملكة الجمال الدولي سنة 2002، ما اكتفت بسحر الشهرة ع المسرح، دخلت عالم التمثيل ووسعت مسيرتها الفنية، بس الغنا كان هوايتها المفضلة من زمان. بلشت تغني ورجعت أخدت دروس بالغنا والموسيقى لحد ما قررت تحترف الغنا بجدية.

قدمت كريستينا كتير أغاني حلوين، في منن اللي غنتن هي لإلها ومنن اللي غنتن لغيرها بطريقة جديدة. ظهرت موهبتها بالغنا أكتر وأكتر من خلال برنامج “ديو المشاهير” يلي حصلت في على المركز التالت. من أشهر أغانيها الخاصة: “يا عم ال دي جي”، “حريم السلطان”، “أنا دايبي”، “بموت عليك”، “بتعرفي هيدا الشي”، و”صعبة كتير”.

عدا عن هيك، بتحمل كريستينا شهادة بإدارة الأعمال من الجامعة الأمريكية. دخلت كمان عالم التمثيل، ومن الأعمال يلي شاركت فيها مسلسل “وأشرقت الشمس” ورجعت دخلت عالم تقديم البرامج على شاشة الOTV من خلال برنامج Loca Beach.

صوتها العذب وحسها المرهف خلوها نجمة متعددة المواهب ومحبوبة عند كتير من الناس.

٢. جاكلين خوري

جاكلين خوري كانت من أجمل ملكات جمال لبنان، أخدت اللقب سنة ١٩٨٤ بعد ما فازت بلقب ملكة جمال بيبلوس سنة ١٩٨٣. بس الجمال ما كان كل شي عند جاكلين، موهبة الغنا كانت موجودة عندها من زمان، وبلشت تغني فعلياً سنة ١٩٨٥.

جاكلين عندها كتير أغاني خاصة حلوة. كمان أطلقت ألبوم كامل بالتسعينات إسمو “مش احنا اللي ابتدينا”. من أشهر أغانيها: “ليه يا هوى”، “إنت الحبيب”، “عندي رضاكم”، “بتوعد ليه”، “يا دوب بعدنا يومين”، “حتة سكرة”، و”قولوا اللي تقولوه”.

مشوار جاكلين ما كان بس غنا، فاتت على عالم التمثيل من خلال مشاركتها بفيلم “لمن يغنى الحب” سنة ١٩٩٠.

وبعد وفاة بنتها بحادث سير مروع سنة 2006، اعتزلت الفنانة جاكلين خوري الفن واتجهت لعيش حياتها الخاصة. بس الناس كانت كتير تحبها وتعاطفت معها بشكل كبير فحبوا يرجعوها على الأضواء من جديد وكان من خلال إستضافتها بأحد البرامج الترفيهية. برزت موهبتها بعالم المسابقات من بعد ما شاركت ببرنامج هيفا وهبي الشهير “الوادي” اللي انعرض على شاشة الـ LBC وكانت من أبرز المشتركات.

جاكلين خوري فنانة متكاملة قدرت تثبت نفسها بكل المجالات اللي خاضت فيها. صوتها الحلو وشخصيتها الجذابة وأهم شي قلبها الطيب وأخلاقها العالية هني يلي خلوها نجمة محفورة بذاكرة كل محب للفن.

بالأخير يلي فينا نقولوا إنو تجربة ملكات جمال لبنان بالغنا ثبتت إنو موهبة الفنا مش لكل الناس وبتضل لأصحاب الحنجرة الدهبية.