معمول مد بقشطة مع شوكولا بلجيكية عند محل واحد ببيروت!

لكل محبي الحلويات، لقينالكن محل بالعاصمة بيروت بيجمع بين الحلو العربي معمول مد بقشطة والشوكولا البلجيكية! مشوا نخبركن عنو بالمقال.

هيدا المحل موجود ليشفي غليل اللي بحبوا الحلو كتير، هون رح تلاقوا الحلا كلو، بتشوفوا بعينكن كيف بيشتغلوا الحلونجية الماهرين بإيدين وبكل حب. عم نحكي عن حلويات حمدي الذهبي اللي كل البيارتة بيقصدوا ليدوقوا جميع أصناف الحلو العربي المعمولة والمحضرة بكل فن متل الكنافة، ورد الشام، عيون المهى، مدلوقة الفستق، حلاوة الجبن المليانة بالفستق الحلبي ولي كل كدشة منها بترجعلكن طعمة الطفولة، عدا عن معمول المد بفستق والمعكرون وغيرن كتير.

عندن شي ما بتلاقوا بأي محل، أبدعوا شي ما رح تلاقوا وين ما كان: معمول مد بقشطة وشوكولا بلجيكية! تخايلوا هالحلاوة المزدوجة. بطريقة سحرية جمعوا بين قشطة ناعمة وقطعة من أحلى أنواع الشوكولا البلجيكية، كلها محشية جوا معمول طري لذيذ. كل كدشة رح تعطيكن مزيج من طعمين وعالمين بنفس الوقت.

غير الحلو عندن صفيحة بعلبكية بيضيف عليها دبس الرمان لطعمة قوية وبتشبع! وهلق صار عندن إضافة جديدة اللي هي صفيحة على سبانغ، عم تتخايلوا الطعمة؟ حامضة بس خفيفة وغنية.

وعندن كمان أصناف من الحلو لي رح تعشقوها من أول تجربة، متل حلاوة الرز الطرابلسية لي بتبورد القلب ورز بحليب لكل مين ضرسو حلو.

وشو بدنا نخبركن عن البوظة لنخبركن!

جربوا وخبرونا رأيكن!

العنوان: شارع البربور، بيروت
الرقم: 666 311 01

شوفوا كمان، اختراع غريب عجيب: بوظة مقلية أو مشوية؟