أحلى مسابح تجربوهن بالبقاع هالصيف

طالعين ع البقاع هالصيفية؟ لقينالكن أحلى مسابح ومنتجعات بمنطقة البقاع لتنبسطوا مع عيلتكن أو أصحابكن هالموسم. 

1. Bekaa Joy Resort، أوتوستراد زحلة

منتجع مميز بالبقاع بيقدم مسبح مخبى بين البساتين والشجر. عندو جو مميز لقعدة عيلة، وكراسي لتستجموا ع الآخر، وقعدة بقلب الجنينة. كمان بتلاقوا عندن شاليهات صيفية وصالة أعراس مرتبة. 

الرقم: 345 258 71  

2. Divina Resort and Aqua Park، زحلة كسارة 

هالمنتجع عندو منتزه مائي عبارة عن مسبح كبير بقلبو الألعاب المائية الممتعة والأجواء الحماسية للولاد! 

الرقم: 153 377 70 

3. Mambo Beach Waterpark، كاسكادا مول تعنايل

أجمل منتزه مائي بالبقاع كلو، عندو ١١ زحليطة، ملاعب رملية، ألعاب ضخمة، مسابح للولاد الصغار، مطعم، وكل شي ممكن يخطر عبالكن لتقضوا وقت مميز مع عيلتكن.

الرقم: 666 076 71 – 830 511 28 

4. Westwood Valley Zahle، زحلة 

منتجع ويست وود زحلة بيقدملكن قعدة خيالية بالبقاع ومسبح بنص الجبال. عدا عن المناظر الخلابة و البانغلو، بس رح يصير مقصدكن الأول هالصيف خصوصي انو عندن دخولية ببلاش للسيدات من الإتنين للجمعة. 

الرقم: 112 102 81  

5. Layali Al Shams Hotel، عنجر 

أوتيل ليالي الشمس بيستقبلكن على جو إستثنائي بعنجر. مسبح قاعد بين بساتين البقاع فيه كل الخدمات اللي بتحلموا فيها، عدا عن مطعم و بيوت خشب وصالة الأفراح وكل وسايل الراحة والرفاهية. 

ومش بس هيك، أسعارو حلوة وعامل عروض للسيدات والرجال!

الرقم: 600 622 76 

6. East R Anjar، عنجر 

منتجع عندو تجارب حلوة بقلب عنجر. بيقدملكن مسبح بقعدة واسعة وكراسي لتتشمسوا هالصيفية، مع بانغالو، صالة أفراح، وخدمات متنوعة. 

الرقم: 577 622 71

وكمان أسعارو كتير حلوة للكبار وللولاد!

أي من مسابح بالبقاع رح تختاروا؟

شوفوا كمان، ١٣ شط ومسبح بدخولية مجانية أو رخيصة للولاد حول لبنان