بوفيه مفتوح ناطركن بقلب بيت عتيق بجبيل!

اليوم رح نعرفكن على بيت حجر قديم عمرو فوق ال150 عم بقدم بوفيه مفتوح بمنطقة جبيل من كل الأطباق اللي بتخطر على بالكن من الطبخات والأكلات اللبنانية يلي منحبها.

عبالكن بوفيه مفتوح بقلب جنينة؟

هيدا البيت التراثي موجود بضيعة غرزوز بقضاء جبيل، وإسمو قصرا وحدو رواق كتير وقعدة بتشرح القلب! وشوفوا قعدة الجنينة والأجمل من هيك ما رح تنبسطوا بفنجان القهوة قد ما رح تنسبطوا بالجنينة.

معقول يكون في أحلى من القعدة بقلب قصر حجو عتيق؟ قدامكن بوفيه مفتوح مع مناظر جبيل، أحلى وجبة فيها تتضمن الحلو والمالح، وفيها تمد شي ساعات!

اللي بيميز سفرة قصرا المشاوي الشهية اللي بحضروهن قدامكن، وفقرات الصاج، وأطباق المازة اللبنانية والطبخات والحلويات على أنواعها.

بس توصلوا على قصرا رح تحسوا بالسحر الموجود والجمال يلي بتعجز الكلمات عن وصفو: شجر، قعدة قش، طاولات وكراسي خشب، بساتين، كنبايات ومراجيح، قعدة بالغابة، مشروب وعصير، ورود وأكل كتير طيب.

حتى المشروب عاملينلو محل خاص لتجوا تسكبوا مشروبكن المفضل مش بس عندن نبيد، عندن كمان شراب الورد والبوصفير وعرق وقصص بتبورد القلب. بتجوا بتسكبوا شرابكن المفضل بقلب الجنينة. وأكيد من بعد الغدا فنجان شاي وقهوة ناطركن مع هالمنظر اللي بيرد الروح.

فنجان قهوة مع ريحة الأرض!

بعد ما تعبوا بطنكن فيكن تكتشفوا الضيعة وجنينات البيت وتتحدثوا على الكنبايات المهضومة إنتو وعم تشربوا فنجان قهوة!

الولاد رح يلعبوا ويتسلوا بالمساحة الخضرا حول البيت، بين الشجر والخضار وياكلوا أكل طيب ويرجعوا يتعلموا كيف يهتموا بالجنينة والأرض ويسقوا الزريعة.

مش بس هيك، رح فيكن تقطفوا ورد وتعملوا باقة زهور كتير حلوة ومهضومة. وكمان رح تشوفوا أجمل منظر وقت غروب الشمس… رواق لأبعد الحدود عنجد شي بريح النفسية.

غير هيك، فيكن تحجزوا ليلة بقلب البيت إذا ما عبالكن تسربوا ع بيروت، وتناموا ببيت عمرو فوق ال150 سنة وبعدو محافظ على التراث اللبناني العتيق.

بالنسبة للأسعار فهيي ببتراوح على الشكل التالي:

38$ على الكبار، 18$ على الولاد وببلاش لكل الولاد اللي أصغر من 6 سنين.

العنوان: غرزوز، قضاء جبيل
الرقم: 375 350 03

شوفوا كمان، مهرجان بنص جونية رجع ومولعها بجونية!