جوهرة مخباية بين الجبال: تعرفوا على هالبيت!

اكتشفنا مشروع روعة ما كنا سامعين فيه من قبل، بتلاقوا بضيعة إسمها كفربنين بالضنية وعندن بيت ضيافة كتير حلو وإلو فيو خرافي على راس الجبل. ضهور ماش هوي بيت ضيافة مميز بيقدم تجربة فريدة من نوعها للضيوف.

هيدا البيت مش بيت ضيافة عادي، هوي مزرعة يعني بتاكلوا عندن أكل من الأرض لأن زارعين كذا شغلة وإذا حظكن حلو رح تعيشوا تجربة تحويش الخضرا والفواكة.

عندن بيوت خشب على راس الجبل مع قعدة مريحة وفاخرة، فيكن تحتفلوا هون بحيلا مناسبة لإلكن، خطبة، باتشلور، أو حتى عيد ميلاد أو شهر عسل.

إسم المشروع ضهور ماش، بيعطيكن فيو خرافي على الجبل، رح تحسوا حالكن عم تطيروا بالسما. و في كمان محل للشوي ومكان تتفرجوا في على النجوم والقمر.

مليانة الحديقة بمقاعد مريحة ومراجيح وطاولات خرج بيكنيك، وكلها بتخليكن تشتهوا فنجان قهوة مع منظر طلوع الشمس.

الضيوف عندن الحرية التامة ليعملوا يلي بدن يا، من الاسترخاء بالجنينة أو تحويش الزريعة والمشي بين الجبال.

أروق إجازة بالشمال، بتكمل مع ترويقة ولا أطيب بالبستان مع منظر مطل على الجبل!

استمتعو بمناظر رائعة وغابة وطبيعة بعيدة عن الناس بتجنن. فيكون تتمشوا وتعملوا كزدورة أو ترخوها عالآخر وتناموا بالبرودات.

العنوان: كفربنين، الضنية
الرقم: 331 738 81

شوفوا كمان، ٦١ جوهرة مخفية لازم تزوروهن هالصيفية بلبنان.