بتعرفوا إنو السوسي حاز لقب أفضل ترويقة بالعالم؟

في كتير مطاعم لبنانية نالت شهرة عالمية وصارت موجودة على لوايح أفضل المطاعم بالعالم وحتى ضمن دليل ميشلان! بس خلينا نحكيلكن عن هالجوهرة البيروتية يلي صارلها تقريبا 120 سنة. أكيد عرفتوا عم نحكي عن السوسي!

السوسي هو واحد من أقدم وأحب المطاعم ببيروت. هالمطعم موجود بزيدانية، ويعتبر مقصد أيقوني بيقدم أشهى ترويقة تقليدية من سنة 1910. مطعم العيلة اللي انتقل عبر الأجيال، بلّش مع مؤسسه أبو محمود السوسي، وهلّق صار بإدارة راجي الكبه.

بيقدملكن ألذ أنواع الأكل المحلّي مثل الفول، الحمص، البليلة، الفتة، السودة، والبيض بالقوارما. مش مشهور بس بوصفاته الأصيلة، بس كمان بالدفا والضيافة. هالجوهرة البيروتية بتمثل تقاليد المطبخ اللبناني. كل طبق بيحكي قصة عن التراث وحب الأكل.

بالـ 2013، سي إن إن نشروا أفضل ترويقة بالعالم، مع لائحة من 10 محلات اختاروها لكونن جزء من “نسيج المدينة الثقافي”. والمرتبة الأولى كانت لمحبوب الكل وهو مطعم السوسي، وتحدياً عشان طبق الفتة المثالي اللي بيقدموا.

مع إنه كنا عارفين إنه هالمطرح من الأفضل (وهو بعده من المفضّل عند الناس لليوم)، مننبسط إنه نال المرتبة العالمية اللي بيستحقها.

تاني مرّة لما تروحوا عند السوسي، تأكدوا تشوفوا المقالة التابعة لـ CNN يلي معلقينها عالحيط!

ترويقة السوسي الطيبة دايماً رح تضلّ رقم واحد بقلوبنا. ونحنا بعد ما خلصنا المقال، رايحيين نتروق عندو!