وين المشوار هالجمعة؟ ع بشري وع البقاع وغلبون لأن في مهرجانات

شو في هالويك-أند؟ مهرجانات للكل، للكبار والزغار، لولاد الضيعة وللسواح، وين رح يصيروا؟ كفو معنا لتعرفوا وين.

١. مهرجان بشري، بشري (الدخول مجاني)

اليوم مبلش مهرجان بشري المميز يلي رح يستمر لنهار الأحد بالشارع الرئيسي من الساعة 5 بعد الضهر للساعة 12 بالليل ورح يتضمن موسيقى وحفلات دي جي، ألعاب ونشاطات للولاد ومطاعم ومحلات ومعارض فنية وأشغال حرفية. أجمل شي المشوار على بشري بهل طقس لتبوردوا قلبكن، يعني فيكن تجمعوا أصحابكن وكل الناس يلي بتحبوهن وتستكشفوا هالضيعة الحلوة وتتمشوا وتاكلوا لتشبعوا وتشتروا كل شي بيخطر على بالكن.

وين: الطريق العام
أيمتى: من 2 آب ل 5 آب
أيا ساعة: من الساعة 5 بعد الضهر للساعة 12 بالليل
الدخولية: مجانية
الرقم: 420 004 81

٢. مهرجان بحيرة قرعون، البقاع (الدخول مجاني)

ما في أحلى من إنو تكونوا قاعدين حد البحيرة عم تتأملوا جمال الطبيعة والهوا عم بنسم عليكن من كل الميلات. وهل ويك-أند رح ينضاف على جمال البحيرة جمال مع سوق الأكل لي رح يجمع الكل عاللقمة الطيبة بوجود عدد متنوع من المطاعم والكيوسكات لي بتقدم أطيب أنواع أكل الشارع والأكلات الأجنبية واللبنانية. الولاد أكيد لازم يكونوا موجودين لأن رح يلعبوا ويتسلوا ومحضرينلن نشاطات وألعاب مميزة.

وين: جنب البحيرة
أيمتى: من 2 آب ل 4 آب
أيا ساعة: من الساعة 5 بعد الضهر للساعة 12 بالليل
الدخولية: مجانية
الرقم: 420 004 81

٣. مهرجانات غلبون الدولية، جبيل

هالسنة قررت لجنة مهرجانات غلبون الدولية تعمل حفلات فنية كلاسيكية غير عن كل سنة على الرغم من كل الظروف الصعبة ورح يتخللا رثاء لأهم الكتاب والشعر اللبنانيي متل جبران وأنسي الحج وغيرن، رح يكون في هاليومين حفلتين موسيقيي كلاسيكيي مليانين شعر وحب مع فرقة فيفالدي والشعر رح يكون مترجم مع الشاعر هانري زغيب والأستاذ رفعت طربيه إلى جانب ألحان المايسترو هاروت فازيليان، أما تاني ليلة فرح تكون مزيج من الشعر والحب. ورح يتخلل الحفلتين برمة بالمعصرة على منظر المغيب وفقرات تذوق أجود أنواع النبيد من Domaine St. Gabriel المعمول من العنب الغلبوني الأصيل.

وين: معصرة Domaine St. Gabriel
أيمتى: من 2 آب ل 3 آب
أيا ساعة: من الساعة 7 بالليل للساعة 12 بالليل
الدخولية: بتتراوح بين 40$، 50$ و60$

شوفوا كمان، لأول مرة بصور: ألعاب مائية للزغار بنص البحر.