٤ محلات ليموناضة لازم تجربوهن بالبترون هالصيفية!

البترون مشهورة بأكتر من شغلة، بس هالصيفية بدنا نحكي عن ليموناضتها اللي هوي المشروب البتروني التراثي! في كتير محلات بتقدم ليموناضة بالبترون، بس هول الأربعة لازم تجربوهن:

١. ليموناضة شاهين

بدكن ليموناضة تبوردلكن قلبكن؟ روحوا على شاهين لي صرلوا من سنة 1950. ليمون طازة، عصرة على الإيد ، وسكر بحلاوتو المظبوطة، هيدي هيي ليموناضة شاهين، جربوها!

الرقم: 292 741 06

٢. Hilmi’s House of Lemonade

عيلة حلمي عم بقدموا ليموناضة من زمان، الوصفة سر العيلة، والطعمة ثابتة من سنين. بدكن ليموناضة تقليدية بترونية؟ روحوا على حلمي، ما رح تندموا.

الرقم: 888 991 81

٣. Naji’s Lemonade

ليموناضة ناجي بسوق البترون الأثري من أطيب الليموناضة المتلجة ممكن تدوقوها بلبنان، متخصص بالليموناضة على أنواعها وعندو أطيب ليموناضة فريش بيعملوها قدامكن لتبوردوا بالشوبات.

الرقم: 897 323 03

٤. ليموناضة الوسيم

بدكن ليموناضة سريعة وباردة؟ الوسيم بحسسكن بالطعمة الأصيلة. ليمون معصور، سكر، تلج، وبس، هيك بتبوردوا قلبكن على الآخر.

الرقم: 824 742 06

هالمحلات الأربعة ما بيشبهوا بعضن، كل ليموناضة بتتقدم بطعمتها الخاصة. جربوهن كلن وخبرونا رأيكن!

شوفوا كمان، ٩ محلات سندويشات دجاج ع الفحم بلبنان.