٦ محلات بتعمل أطيب داعوقية بلبنان

مفروكة الفستق والقشطة، أو المعروفة ب “الداعوقية”، صارت حلو بيروتي كتير محبوب ومرغوب بلبنان. إخترنالكن بهالمقال ٦ محلات بتعمل أطيب داعوقية بلبنان. 

1. حلويات الداعوق – طريق الجديدة، الضاحية

حلويات الداعوق هو ملك الداعوقية بلبنان، أول مين عمل هالصنف من الحلو وكمان اتسمى ع اسمو. صرلو فاتح من 1961، واليوم بتلاقوا عندو الداعوقية، كنافة الداعوقية، وحتى البوظة ع داعوقية. 

الرقم: فرع الجديدة 203 300 01 – فرع الضاحية 182 919 78 – 182 919 70.

2. حلويات المكاري، بربور

مع انو حلويات المكاري مشهور بالمفتقة البيروتية، بس كمان الداعوقية اللي بيعملها طيبة وعلي أصولها. هالمحل البيروتي عندو كل أنواع الحلو العربي وصرلو فاتح من سنة ال ١٩٢٠، والحلو انو بتلاقوا عندو بالصيفية بوظة على مفروكة فستق. 

الرقم: 785 817 01 

3. حلويات الذهبي، بربور 

هالمحل عندن طعمة القشطة أبداً ما بتتفوت، فكيف إذا كانت بقلب مفروكة فستق حلبي طيبة وبتحلي القلب؟ 

الرقم: 666 311 01 

4. السلطان، فروع كافة

السلطان مشهور بالجنوب انو بيعمل أطيب حلويات شرقية. عندن مفروكة فستق سمّوها “سلطانية”، غنية وطيبة وكلها قرمشة فستق. 

الرقم: النبطية 719 695 76 – كفرجوز 103 969 71 – الغازية 996 663 76 – حارة حريك 610 700 71

5. حلويات البابا، صيدا وبيروت

ما فيكن تميلوا ع صيدا من دون ما تدوقوا الحلو الصيداوي عند البابا، وكمان إذا بتجربوا عندن الداعوقية كتير رح تنبسطوا فيها.

الرقم: صيدا 927 725 07 – قريطم 178 787 01 – الطيونة 500 399 01

6. قصر الحلو حلاب، فروع كافة

الحلاب عندو شو ما بيخطر عبالكن من الحلويات العربية والشرقية بيعملن بطريقة فاخرة، وعنجد الداعوقية اللي بيعملوها غير عالم. 

الرقم: 1881 

خبرونا، بتحبوا الداعوقية؟

شوفوا كمان، ١٤ محل بيعملوا شوكولا دبي ترند بالكنافة والفستق بلبنان!