٨ مطارح لتعملوا مشاوي بالطبيعة بلبنان

عبالكن تنبسطوا هالعطلة بغدا مشاوي مع العيلة؟ خلونا نخبركن عن أجمل ٨ مطارح لتعملوا مشاوي بالطبيعة بلبنان. 

1. Uphill Chouwen، يحشوش

قعدة من فوق الوادي بيحشوش! من أجمل الأماكن بالطبيعة لتعملوا مشاوي مع العيلة والأصحاب، والحلو انو بتقدروا تخيموا عندن وتفيقوا ع أروع منظر بيحشوش. 

الرقم: 363 869 81

Le Camp .2، دير الحرف

مساحة كتير حلوة لتعملوا حفلة مشاوي بقلب الطبيعة وع منظر جبلي من الحلم! وما وقفت بس ع المشاوي، كمان الترويقة من هالمحل بتعقد! 

الرقم: 677 355 76

3. The Pine Yards، مار موسى

مطرح بالهوا الطلق وبين الصنوبر. بيقدموا مساحة لتعملوا نزهة، غدا مشاوي بالطبيعة، وكمان ألعاب حماسية متنوعة للولاد. 

الرقم: 629 281 03

Arsoun Village Park .4، المتن

عملوا مشاوي، إقعدوا بالطبيعة، إتسلوا مع الولاد، وبعدها فيكن تقضوا ليلة بقلب بيوت خشب بغابة صنوبر، في أحلى من هيك؟ 

الرقم: 111 228 71

5. Cedar Scent، نيحا البترون

عبالكن تعملوا حفلة مشاوي نهار الأحد بقلب غابة أرز؟ لازم تحجزوا بهالمحل الخيالي!

الرقم: 511 233 70

6. On the Roots، سرجبال

فيكن تنبسطوا مع العيلة أو الأصحاب ع مشاوي جنب النهر عند أون ذا روتس بنص غابات سرجبال!

الرقم: 834 711 71

7. Picnic Land، القصيبة المتن 

قعدة بنص غابة صنوبر، فيها ملعب للولاد، ومطرح لتعملوا غدا مشاوي مع عيلتكن. 

الرقم: 905 865 03

8. Swings Camp، زرعون

كامب من الأحلى للولاد بلبنان لأنو فيه مختلف الألعاب والرياضات لكل الأعمار. عندن مطرح لتعملوا بيكنيك وتحضروا مشاوي بالطبيعة. 

الرقم: 648 796 03

شوفوا كمان، طالعين ع يحشوش؟ ٩ شغلات فيكن تعملوها!