أجمل مطاعم إهدن مع فيو

إهدن بتقدم تجربة شاملة، بتجمع بين الطبيعة، الثقافة، والأكل اللذيذ، ما بتندموا إذا قررتوا تزوروها. هيدي المطاعم بتجمع بين جمال الطبيعة والأكل اللذيذ، حبينا نعرفكن عليها اليوم.

١. ريف إهدن

استمتعوا بأجواء ريفية أصيلة بقلب إهدن. المطعم بطل على أجمل منظر، وبقدم تشكيلة واسعة من الأطباق اللبنانية التقليدية، متل صحون المازة الشهية والمشاوي اللذيذة. مثالي لتناول عشا رومانسي أو لتقضوا وقت ممتع مع الأصحاب والعيلة.

الرقم: 434 337 70

٢. باب الهوا

مطعم عندو قعدة جبلية مع فيو مفتوح على جمال الطبيعة الشمالية. هالمطعم بقدم أكل لبناني طيب مع منظر بطير العقل فوق الغيوم. خدمة بتجنن والديكور جبلي تراثي، أحلا وقت تروحوا هو عالغروب، بكون المنظر من فوق الغيم كتير حلو.

الرقم: 047 456 03

٣. الفردوس

استمتعوا بأجواء فاخرة بقلب إهدن، الفردوس بيقدم تشكيلة واسعة من المأكولات اللبنانية والكبة الزغرتاوية، مع التركيز على المكونات الطازة والموسمية. استمتعوا بتجربة طعام مع فيو ما بتنتسى بهيدا المكان الساحر.

الرقم: 444 560 06

٤. تاج إهدن

من أجمل وأرتب المطاعم الموجودة بإهدن، قاعد بقلب أوتيل ميست وعندو فيو بياخد العقل على إهدن والوادي والبيوت العتيقة، مش بس عندو مناظر خلابة، بس كمان بيقدم أشهى مازة لبنانية بالمنطقة وفيكن تحتفلوا عندو بجميع مناسباتكن.

الرقم: 069 203 71

٥. جلسة الصياد

جمال إهدن ما بيخلص، هيدا محل بوجود بأجمل نقطة بإهدن وحامل معو الأجواء الريفية وأطيب المأكولات اللبنانية والكبة النية والكبة المشوية مع البندورة الجبلية لننبسط بالقعدة. أكيد بس تخلصوا أكل فيكن تشربوا فنجان قهوة وتستمتعوا بهوايات إهدن الحلوين.

الرقم: 581 496 03

٦. تشرين

محل زغير خشب بقدم أشهى الأطباق، تشرين هو المحل المثالي لكل مين بحب الترويقة اللبنانية البلدية على أصولها. الديكور مستوحى من جو الضيعة مع طاولات ومقاعد خشب وحيطان مكشوفة على المناظر الطبيعية والتلج، وأكيد تراس طويل عريض مع أجمل فيو بلبنان. استمتعوا بأحلى فنجان قهوة على بعد متر من الوادي، وتنشقوا الهوى يلي ما في منو بالمدينة وأكيد رح يكون نهاركن من العمر.

الرقم: 636 433 81

٧. ديوان المازة

ديوان المازة قاعد بجوار الطبيعة وبقدم تجربة فريدة من نوعها بعالم المطبخ اللبناني. الديكور التقليدي بيجمع بين الحجر والخشب، وبيخلق أجواء جبلية مريحة. استمتعوا بتشكيلة واسعة من المازات الطازة، المحضرة من أجود المكونات المحلية. ما تأفو فرصة تجربة الكبة المشوية على الفحم، يلي تعتبر من أشهى الأطباق الإهدنية.

الرقم: 003 159 70

شوفوا كمان، التانت سيهام: مطعم سمك ع شط البترون.