تعرفوا على فرن عمرو 90 سنة بقلب لبنان

لقينا محل بطرابلس إسمو “أفران طليس“، متخصص بالمخبورات ولازم تجربوه.

كل شي بيخطر عبالكن من مالح أو حلو بتلاقوا عند طليس. إذا كان عبالكن تجربوا نكهات جديدة من المخبوزات لي مغطسين بأطيب الطعمات، طليس متخصص بجميع أنواع المخبوزات والخلطات الشهية.

فرن طليس إلو فوق ال-٩٠ سنة بيعجن وبيخبز وبقدم مخبوزات ما إلها شبيه بالبلد متل كعك القرشلي، رقائق الزعتر بالشوفان، رقائق الملح وأطيب شي عندن كعك بالقرفه لي بتبلشوا في نهاركن مع فنجان الشاي أو النسكافيه.

طليس مش بس فرن، هيدا محل بيحافظ على تراث الطرابلسي بكل لقمة. إذا كنتو بتحبوا تجربوا نكهات جديدة ومميزة، لازم تدوقوا من مخبوزاتن المبتكرة. الكعك القرشلي، الكعك بالحليب أو اليانسون، وكعك النسكافيه يلي بصير أكتر من لازم مع فنجان شاي أو نسكافيه، بيخلوا الصبحية تبلش بنكهة ما بتنسا.

أما للناس اللي بيدوروا عالخيارات الصحية، طليس كمان عامل حسابكن. عندن مخبوزات الشوفان متل التمر بالشوفان، ومجموعة واسعة من الأصناف الصحية اللي بتضاهي المخبوزات العادية بالطعمة.

ومش بس هيك، الحلو عندن حكاية بحد ذاتها. الأشمليش، الكوكيز بالفانيلا والكاكاو، البيتي فور، السابليه، وكعك المرقد والغريبة بالفانيلا والكاكاو… يعني تشكيلة بتضيعوا فيها وبتستمتعوا بكل لقمة.

والأسعار بتجنن!

كل مشوار عطرابلس لازم يبلش بلقمة من عند فرن طليس. وإذا ما كنتوا قريبين، مافي مشكلة، الديليفري بيوصل لعندكن.

فرع التل بطرابلس هوي الأساس، وعندن كمان فرع تاني عالأوتستراد بالمنية، ليجرب كل حدا هالمخبوزات الرائعة.

الفرع الأول: طرابلس، التل
الرقم:865 372 81

الفرع التاني: اوتوستراد المنية
الرقم: 608 491 76

وبالمناسبة، بتعرفوا إنو صار فيكن تاكلوا كنافة ع فستق؟ جربوها وما رح تندموا!