بوفيهات وأجمل قعدة فوق حمّانا كلها هون

ما في أحلى من الطلعة ع الجبل بآخر أيام الصيفية! نودّع الموسم مع غروب الشمس والناس اللي منحبّن. اليوم مشوارنا ح ياخدنا فوق وادي لامارتين الشهير، على Orris Sunset Lounge بحمّانا الحلوة.

Orris لاونج قاعد بحمّانا فالي فيو أوتيل وعندو وحدة من أروع القعدات على غروب الشمس بالمنطقة. من فوق الوادي وجنب الغيوم، هيدا اللاونج بيوعدكن بلحظات ممتعة ومناظر من الأحلام. قضوا نهار عم تستكشفوا جمال هالضيعة، بيوتها، ناسها، أسواقها، وقبل ما تسربوا ع الأوتيل، قضوا وقتكن عند أوريس لاونج.

بتلاقوا عندو قعدات ملوّنة ومهضومة بتناسب الولاد والكبار، القعدة الكلاسي فوق الوادي ومطرح لينبسطوا ولادكن مع بعض. بيقدموا تشكيلة طيبة من المشروبات المنعشة ع الغروب، مع سناكات، برغر وسلطات وأكل متنوع وطيب مقدم بكل شطارة. وأكيد أكلن كلو شغل بيت، وبيتضمن أطباق فيها كرز طازة من حمّانا.

الحلو إنو هالوجهة مميزة إذا عبالكن تضهروا مع رفقاتكن وتكتشفوا جمال حمانا، أو طالعين شي ضهرة مع عيلتكن يوم الأحد. خاصةً إنو هالمطرح بيعمل بوفيهات أكل بيشهي كل أحد وبأسعار كتير حلوة، مع فيو خيالية ع الضيعة كلها.

المحل بيفتح من التلاتا للجمعة من الساعة 4:30 بعد الضهر، وكمان سبت وأحد من الساعة 1 الضهر. للمزيد من المعلومات، اتصلوا على الرقم 049 909 71. وما تنسوا تابعوا حسابن على الإنستغرام هون.

خبرونا، حبيتوا Orris Sunset lounge؟

شوفوا كمان، أجمل قعدة ببرمانا، وين أولكن؟