تعرفوا على الممثل الوحيد للبنان بألعاب البارالمبية 2024

ألعاب البارالمبيك لصيف 2024 بلشت، ونحنا فخورين نخبركن إنو لبنان رح يتمثل بهالسنة من قبل اللاعب أرز زهر الدين.

أرز زهر الدين رح يشارك بسباق 100 متر T64  (تحت فئة الرياضة للمنافسين بأطراف صناعيّة بسبب قصور بالأطراف واختلاف طول الساق).

زهر الدين تعرّض لحادث سيارة سنة 2002 لما كان عمره بس 3 سنين، وسبب هالشي بتر لإجرو اليمين. خضع لحوالي 19 عملية جراحية بين عمر 3 و14 سنة.

هو قرر يواجه هالتحديات بالرياضة، بلش بالمبارزة قبل ما يتحوّل لألعاب القوى. من ٣ سنين، شارك بالأولمبياد بطوكيو. السنة الماضية، ربح الميدالية الذهبية بسباق ٢٠٠م بألعاب الفرنكوفونية وحامل لقب أسرع رجل بسباق الـ١٠٠م بغرب آسيا والعالم العربي.

لتعرفوا أكتر عن قصته، فيكن تحضروا هيدا الوثائقي عاليوتيوب عن رحلته:

بالتوفيق أرز!

نبسطتوا بهالقراية عن مشاركة لبنان بألعاب البارالمبية الصيفية 2024؟ لمحتوى أكتر متل هيدا، تأكدوا من زيارة قسم #Lebanese Proud على موقعنا.