خبرية حلوة: أطيب فروج رح يفتح قريباً بدبي

لكل عشاق الفروج بالإمارات، حضروا حالكن! محل الفروج المفضل عند الكل Atyab Farooj جايبلكن أطباق بتشهي لفرعه الجديد اللي جايي ع دبي.

نشر مطعم أطيب فروج على حسابن ع الإنستغرام إعلان رسمي عن الفرع الجديد، ترك رسالة سريعة لمتابعينو بالإمارات إنه محل الفروج الشهي رح يفتح قريباً  بدبي:

كتير مننبسط لما نشوف محلات لبنانية محبوبة عم تزدهر وتفتح فروع بكل المنطقة. نحنا عنجد مأكدين إنه الكل بيستاهل يجرب هالفروج الشهي. إن كنت إماراتي وبتحب الفروج، لبناني مغترب عايش بدبي، أو بس سائح عم يدور على لقمة طيبة، تابعوا الافتتاح الرسمي.

شو لازم تجربوا عند أطيب فروج؟ أكيد الفروج المبروم المشوي ع الفحم، مننصحكن كمان تدوقوا الشاورما دجاج اللي بيعملها مع خلطة التوم اللي عندو، كمان برغر شاورما، و الدجاج البروستد المقرمش ع الآخر.

هلق بما إنو الويك إند وصل، فيكن تروحوا عَ أحد فروعن وتدللوا حالكن بفرّوج مشوي مغمور بالتوم. فيكن تلاقوا أطيب فروج بحارة حريك، خلدة، الدورة وصور! وللمزيد، تأكدوا إنكن تابعوهن على إنستغرام.

بتصدقوا إذا خبرناكن إنو حتى مايكل بي. جوردن إستحلى يجرب أطيب فروج؟ مرة علّق على فيديو وعمل ضجة كتير كبيرة! فيكن تقروا كل الخبرية هون.

للمزيد من المعلومات أو الطلب، اتصلوا على الأرقام التالية:

صور: 279 796 70

حارة حريك: 582 555 01

خلدة: 118 800 05

الدورة: 118 800 05