رحيل مخرج الزمن الجميل إيلي سعادة، هيدي أبرز أعمالو

اليوم ودعنا واحد من كبار المخرجين اللبنانية، إيلي سعادة، يلي ترك بصمة مش ممكن تنمحي من ذاكرة الفن اللبناني. سعادة ما كان مخرج عادي، هو يلي صنع أجمل الذكريات مع أعمال تلفزيونية أثرت بقلوب الناس، خصوصي على تلفزيون لبنان، وجمعت حوالينها كل أفراد العيلة.

^{Credits: Annahar}

إيلي سعادة قدم مجموعة من أحلى المسلسلات يلي كانت تجمع بين القوة والصدق، وكان لكل واحد منها قصة وذكرى خاصة بذاكرتنا. رافقتو بمسيرتو الفنية زوجتو الراحلة، الممثلة والإعلامية نهى الخطيب، يلي اللي كانت نجمة من نجمات الزمن الجميل، وشاركوا مع بعض بأعمال بتبقى خالدة. ومع نجوم كبار متل سميرة توفيق، وردة الجزائرية، وفاء طربيه، سميرة بارودي، وإلسي فرنيني، خلقوا سوا أعمال ما بتمحيها السنين. هالمسلسلات مش مجرد حلقات، هيدي ذكريات محفورة بوجداننا، وبتدل على فن وإبداع إيلي سعادة اللي كان يقدر يخلي كل مشهد لوحة فنية.

إيلي سعادة ما كان بس مخرج، كان جزء من تاريخ الدراما اللبنانية، وخلى الفن يلعب دور بحياتنا اليومية. رحل إيلي، بس أعمالو رح تبقى شاهدة على حب الفن والإبداع اللي زرعو بقلوبنا، ورح يبقى ذكرو عايش بكل مشهد وبكل ضحكة وبكل دمعة. خلينا نتذكر سوا أبرز أعمالو.

١. مياسة

٢. غرباء

٣. القيد

٤. حنين

٥. النهر

٦. لمن تغني الطيور

٧. الهاجس

٨. شهيرات في الحب

٩. حتى نلتقي

شوفوا كمان، ٢٤ متل لبناني عن شهر أيلول.