لقينالكن أحلى كافيهات بشارع الجميزة

شو في أحلى من قعدة بكافيه مع فنجان قهوة وأكل بشهي؟ خلونا نتمشى بقلب شارع الجميزة ونخبركن عن أحلى كافيهات فيه!

١. Neighbourhood

كافيه وقعدة مهضومة وحلوة كتير، أكيد أول ما تفوتوا رح تحسوا حالكن بشوارع باريس. بقدم أطيب ترويقة لبنانية وكرواسون وحلو والمشروب السخن والمسقع مع لمسة حب. خرج تروحوا عليه مع حبيبكن أو حدا كتير قريب لإلكن وتعيشوا عندن جو الكنكنة والروقان.

الرقم: 184 446 01

٢. قهوة بن BN Coffee Bar

ما فينا نحكي عن الكافيهات المهضومة بالجميزة من دون ذكر قهوة بن. بيتخصص هالمحل الاستثنائي بتقديم الحب والقهوة المختصة وبعض الحلويات الخفيفة ومعروف بقعدتو الزغتورة والمكنكنة والديكور القريب على القلب، حتى إنو عندن قهوة صحية و organic.

الرقم: 967 111 03

٣. أوربانيستا Urbanista

انسوا توتر الحياة والمشاكل اليومية بهل محل المميز وجربوا عندو القهوة اللذيذة وأصناف الحلويات والمأكولات السريعة. بتحسوا حالكن ببيتكن قاعدين عم تستأنسوا بفنجان قهوة إنتو وعم بتسولفوا ع رواق وبسلام وحب.

الرقم: 470 858 76

٤. مكتبة عليا Aaliya’s Books

قهوة دافية، كتاب حنون وشوكولا… الثلاثي لي ما فينا نقاوموا. عند هيدا محل بتجتمع كل هل عناصر المميزة لتعطيكن الدفا والحب يلي عم تنبشوا على بقلب بيروت. هالمحل متل جوهرة مثالية لتقضوا وقت مع حبيبكن، ولمحبي الكتب والقصص الغريبة، فيكن تلاقوا عندن الجو الرومانسي يلي عم تنبشوا على مع شوية فن وجو مهضوم.

الرقم: 375 566 01

خبرونا، حبيتوا كافيهات الجميزة؟

شوفوا كمان، بقلب حمانا: بيت ضيافة حجر وبيسين بين شجر الزيتون.