انسوا بوكيه الورد، صار عنا بوكيه سوشي!

بتتذكّروا السنة الماضية لما كان الترند إنو نهدي بوكيهات مصاري مليانة دولارات؟ وكيف رجع درج بوكيه الجنارك لمحبي الجنارك؟ هالسنة، نزل شي جديد على السوق: بوكيه السوشي لعشاق السوشي!

هالبوكيه مش بس هدية عادية، ممكن يكون حتى عرض زواج! كلنا منعرف إنو أسرع طريق لقلب الشخص هوي عبر معدتو، فكيف إذا كانت معدتو عاشقة للسوشي؟ نص البوكيه مليان ورد طبيعي بيجنن، والنص التاني في حوالي عشرين قطعة ماكي رولز ووسابي، وقطعة جنجر من Ginger & Co.

بصراحة، ما عم نقدر نحدد إذا الفكرة عبقرية أو غريبة. منحب السوشي كتير، فالأرجح إنو منآكل السوشي ومنترك الورد… أو يمكن ما نترك شي! تخايلوا إنكن تقدموا لخطيبتكن أو خطيبكن باقة سوشي مع خاتم الزواج، بالتأكيد رح تكون هل لحظة ما بتنتسى! يمكن الفكرة تكون مهضومة إذا كنتوا إنتو وشريككن بتعشوا السوشي وبدكن هدية مش تقليدية.

فإذا عنجد بدكن تعبروا عن حبكن بطريقة غير شكل لعاشق السوشي بحياتك، فيكن تطلبوا بوكيه سوشي من Emotions عبر إنستغرام، وحتوصلكن الباقة الطيبة على الباب.

شوفوا كمان، بوظة غريبة هنغارية بقلب لبنان: بتجربوها؟