أخيراً، محل Pinkberry المحبوب راجع ع لبنان!

من أربع سنين تسكر محل Pinkberry بلبنان، وكان خبر زعّل كتار من محبيبن هالمحل. مع إنو هلق صار عندنا محلات بديلة عنو كتير بتقدم فرويو أو Frozen Yogurt، بس ولا واحد قدر يعطي نفس التجربة والطعمة اللي خليت كتير ينغرموا بهالمحل. كان فيه كتير إشاعات إنه راح يرجع، بس هلق تأكدنا. Pinkberry المحبوب راجع على لبنان!

إنتشر فيديو على تيك توك لـ@hkabalann مصور فيه لافتة عم تلمّح لرجعة محل Pinkberry على ABC أشرفية (وممكن كمان بعدة مناطق تانية بلبنان!)، مع كلمة “قريباً” مكتوبة بأحرف كبيرة تحت اللوغو الأيقوني اللي من زمان ما شفناه.

صارلنا سنين ناطرين هالرجعة. فينا نتخيّل العجقة أوّل ما يفتح، وما فينا ننطر لندوق نكهة فرويو الشهيرة والمحبوبة من جديد.

شو كان طلبكن المفضل اللي دايمًا تاخدوا من بينك بيري؟

إذا انبسطتوا بهالقراية عن رجعة Pinkberry بلبنان، ما تنسوا تشيّكوا على قسم #شو جديد على موقعنا للمزيد من المحلات الجديدة والحصرية.