استأجروا يخت ب 10$ من الصبح للمسا ع جزيرة الأرانب!

حابين تقضوا صيفية روعة مع عيلتكن أو أصحابكن؟ اليوم رح ناخدكن على جزيرة الأرانب بطرابلس ونخبركن عن تجربة يخت كتير حلوة ووفيرة عند مراكب نور غروب. 

شو بتعرفوا عن جزيرة الأرانب؟

هي أكبر جزيرة بين جزر “النخيل” اللي بتحيط المينا بطرابلس، وهي تعتبر محمية طبيعية بلبنان. هالجزيرة بعيدة 5 كلم عن الساحل، بتتميز بالشط الرملي والبحصي وكل واحد من جهة، فيها تنوع بيولوجي وبتجذب السلاحف وتعتبر محطة للطيور المهاجرة.

اليوم تعتبر الجزيرة مقصد صيفي لكل محبي البحر والمغامرة بالشمال وتعتبر من أنضف ميّ بلبنان، ونحنا رح نخبركن كيف تقضوا وقت هونيك خلال الصيفية. 

تعرفوا على مراكب نور غروب!

الخبرية هينة: بتاخدوا واحد من المراكب من المينا وبتوصلو على جزيرة الأرانب. بس رح نخبركن عن عرض مميز عاملينو مراكب نور غروب!

استأجروا يخت كامل بس  ب10$ إذا كنتوا 15 شخص، وبيضل معكن كل نهار من الصبح للمسا! إن كنتوا عيلة أو غروب أصحاب، كتير مننصحكن تروحوا هالتجربة!

تخايلوا قاعدين عم تتشمسوا بنص البحر، وجنبكن جزيرة رائعة الجمال. كتار بيزوروها خصوصي بس لممارسة الغطس.

الميّ هونيك كتير صافية وزرقا، اليخت بقلبو مرجوحة، قعدات، وكمان زحليطة إذا عبالكن تغطسوا بنص البحر! وحتى منقل للشوي ومجهز بكل شي بتحتاجوا لتعملوا أطيب مشاوي بنص البحر!

ممكن أجمل طريقة لتنبسطوا فيها الصيفية، مع قعدة بقلب اليخت إنتو وعم تتأملوا غروب الشمس. 

للمزيد من المعلومات، فيكن تتصلوا على الرقم: 554 187 03. وما تنسوا تابعوا حسابن على الإنستغرام هون.

شوفوا كمان، أسعار الدخولية على 70+ مسبح وشط حول لبنان لصيف 2025